کوٹ سلطان نیوز

شہری کی شکایت پر ایم ایس ٹی ایچ کیو ہسپتال کے خلاف تحقیقات، شہریوں اور مریضوں کا ایم ایس کے حق میں بیانات
کوٹ سلطان (صبح پا کستان ) شہری کی شکایت پر ایم ایس ٹی ایچ کیو ہسپتال کے خلاف تحقیقات ،دیگر شہریوں اور مریضوں کا ایم ایس کے حق میں بیان۔تفصیل کے مطابق کوٹ سلطان کے شہری غلام عباس ولداحمد بخش قوم سابقی نے ایم ایس تحصیل ہیڈ کوارٹر ہسپتال کوٹ سلطان ڈاکٹر ریاض احمد کے خلاف درخواست دائر کی تھی کہ ہسپتال میں کرپشن ہو رہی ہے اور ایم ایس کا مریضوں کے ساتھ ہتک آمیز رویہ ہے جس پر محکمہ صحت کی جانب سے ڈاکٹر محمدیوسف ایم ایس چوک اعظم ہسپتال،ڈاکٹر محبوب قریشی ایم ایس ٹی ایچ کیو کروڑاور محمد حسنین اکاؤنٹنٹ آ فیسر پر مشتمل ٹیم نے تحصیل ہیڈ کوارٹر ہسپتال کوٹ سلطان کا دورہ کیا اور معاملہ کی چھان بین کی اس موقع پر شہریوں محمد اقبال،محمد اختر بابو،چاچا رزاق،چوہدری شاہد،خادم حسین ،محمد ریاض ،عامر سعدی سرگانی ،محمد یونس،احسان اللہ اور دیگر نے ایم ایس ریاض احمد کے حق میں بیان ریکارڈ کراتے ہوئے کہا کہ ڈاکٹر ریاض کے آنے سے ہسپتال کا ماحول ٹھیک ہوا ہے اور تمام ڈاکٹر حضرات بخوبی اپنی ڈیوٹی دینے لگے ہیں جبکہ اس سے قبل ہسپتال کی حالت زار قابل رحم تھی