ڈیرہ غازیخان(صبح پا کستان)دہشت گردی کے خلاف جاری جنگ میں سب سے زیادہ قربانیاں پٹھانوں نے دی ہیں،غیور محب وطن پٹھانوں نے ہمیشہ پاکستانی سرحدوں کی حفاظت کی ہے پاکستان کی سا لمیت کے لیے خون کا آخری قطرہ بھی بہا دیں گے جنوبی پنجاب کے ہر اضلاع میں پٹھان بڑی تعداد میں آباد ہیں انہیں ایک پلیٹ فارم پر متحد کر کے ان کے حقوق کے لئے جدو جہد کریں گے، بے گناہ پٹھانوں کی پکڑ دھکڑ کا سلسلہ فوری طور پر بند کیا جائے ان خیالات کا اظہار ممبر قومی اسمبلی بلوچستان مولانا امیرالزمان نے ضلعی صدر گڈر ٹرانسپورٹ ایسوسی ایشن عبدالسلام ناصر کی والد ہ صاحبہ کی وفات پر اظہار تعزیت کرتے ہوئے فاتحہ خوانی کرنے کے بعد صحافیوں سے گفتگو کرتے ہوئے کہی انہوں نے کہا کہ ملک میں بسنے والی ہر ذات پات کا احترام ضروری ہے جس کے لئے ہمیں اپنے دلوں میں کشادگی پیدا کر نا ہو گی پٹھان محب وطن قوم ہے دہشت گردوں و جرائم سے پٹھانوں پر شک کر نا زیادتی ہے ہم پہلے پاکستانی اور پھر پٹھان ہیں دوسری قوموں کی طرح ہمارے بھی حقوق ہیں۔
