کوٹ چھٹہ۔ مردم شماری میں غیر حاضرشمار کنندگا ن کے خلاف قانونی کارروائی کی جائے گی۔اسسٹنٹ کمشنر عبدالجبار

کوٹ چھٹہ(صبح پا کستان ) .حکومت پنجاب کی ہدایت پر تحصیل کوٹ چھٹہ میں خانہ و مردم شماری کے انتظامات کا جائزہ لینے کیلئے منعقدہ اجلاس سے خطاب کرتے ہوئے اسسٹنٹ کمشنر عبدالجبارنے کہاکہ تحصیل میں خانہ و مردم شماری کیلئے انتظامات مکمل کیے جا رہے ہیں جس میں ٹیمیں گھر گھر جا کر خانہ و مردم شماری کریں گی شمار کنندگان کا تربیتی سیشن مکمل کر لیاگیاہے اور غیر حاضرشمار کنندگا ن کے خلاف قانونی کارروائی کی جائے گی. 15مارچ سے شروع ہونے والی خانہ و مردم شماری کیلئے اضافی نفری سمیت تمام انتظامات کو یقینی بنایا جائے گا ۔ اجلاس میں پاک آرمی کی طرف سے کرنل تبسم، میجر شعیب، میجر سرفراز کے علاوہ ڈی ایس پی رانا جان محمد، چارج سپرنٹنڈنٹس اور ارکان ویجیلنس ٹیم نے بھی شرکت کی. . علاوہ ازیں اسسٹنٹ کمشنر او رپاک آرمی کے افسران نے تحصیل کوٹ چھٹہ کے مختلف علاقوں کا دورہ کیااور انتظامات کا جائزہ لیا.