ڈیرہ غازیخان ۔ سرکاری کالجوں میں سرائیکی لیکچرار اور سرکاری سکولوں میں سرائیکی اساتذہ بھرتی کئے جائیں ، پرائمری کلاسز سے لے کر ایم اے کلاسز تک سرائیکی کو بطور مضمون نصاب کاحصہ بنایا جائے۔ حاجی نذیر احمد کٹپال

ڈیرہ غازیخان(صبح پا کستان)مرکزی جنرل سیکرٹری پاکستان سرائیکی قومی اتحاد حاجی نذیر احمد کٹپال نے کہاہے کہ وسائل کی غیر منصفانہ تقسیم سے سرائیکی وسیب کے عوام پسماندگی اور محرمیوں کا شکار ہیں حکمران لوٹ ما ر میں مصروف ہیں جس کی وجہ سے سرائیکی قوم استحصال کر شکار ہیں آٹھ کروڑ سرائیکی قوم متحد ہو چکی ہے سرائیکی عوام میں شعوری بیداری جاگ چکی ہے صوبہ سرائیکستان کی منزل قریب آرہی ہے ہم اپنا الگ سرائیکی صوبہ لیکر رہیں گے اور کسی قربانی سے دریغ نہیں کریں گے تخت لاہور سرائیکی زبان اور سرائیکی قوم کو دبانا اور مٹانا چاہتا ہے ہمارے خلاف ایسے اقدامات کئے جارہے ہیں کہ سرائیکی اپنی شناخت اور زبان کوترک کردیں لیکن سات کروڑ سرائیکی قوم یہ مطالبہ کرتی ہے کہ سرکاری کالجوں میں سرائیکی لیکچرار اور سرکاری سکولوں میں سرائیکی اساتذہ بھرتی کئے جائیں پرائمری کلاسز سے لے کر ایم اے کلاسز تک سرائیکی کو بطور مضمون نصاب کاحصہ بنایا جائے صوبہ سرائیکستان تحریک میں تیزی آرہی ہے کارکنان سیاسی غلامی سے باہرنکل کر متحد ہوں اور سرائیکی صوبے کی آواز بلند کریں ورنہ ہماری آنے والی نسلیں ہمیں معاف نہیں کریں گی یہ بات انہوں نے ماں بولی کے عالمی دن کے حوالے سے تقریب میں خطاب کرتے ہوئے کہی انہوں نے کہا کہ اس موقع پر چیئرمین پاکستان سرائیکی قومی اتحاد ریٹائرڈ کرنل نواب عبدالجبار عباسی نے کارکنان سے ٹیلی فونک خطاب کرتے ہوئے کہا کہ سیاسی پارٹیوں نے سرائیکی صوبے کا نعرہ لگاکر عوام کو لولی پاپ دیا جنرل الیکشن میں کسی پارٹی کا سہارا نہیں بنیں گے سرائیکی صوبہ تحریک کے اپنے ایم این اے اور ایم پی اے کھڑے کریں گے صوبہ سرائیکستان کا قیام نزدیک ہے 23 اضلاع پر مشتمل صوبہ جلدحاصل کریں گے اس تقریب میں سردار دوست محمد خان کھوسہ،سردار عاطف علی خان دریشک ،سردار اکبر خان ملکانی ،ملک محمد رمضان جڑھ،سید فرحت عباس نقوی ،محمد عارف خان ملغانی ،سجاد احمد ملکانی ،اﷲ وسایا لنگاہ،ملک ہاشم بھٹہ، پی ایس کیو آئی کے ضلعی صدر سید عامر فرید مشہدی ،صدر لائرز ونگ عارف خان جتوئی ،صدر علماء مشائخ حافظ عبدالحمید،عاشق حُسین صدقانی ،مشتاق کھچیلا،سردار امین خان میرانی ،ڈاکٹر احسان چنگوانی ،عرفان خان بزدار،ندیم احمدکھوسہ،سید طاہر رشید مشہدی ،شیخ محمد اسماعیل ،اعجاز ناصر لاشاری ،عبدالرؤف شاہ ،سید عاشق بخاری ،غلام اکبر کھوسہ ،عنصر شبیربزدار،الحاج صدیق موہانہ ،عبدالغفور لغاری ،مہر خان چنگوانی ،راؤ فیاض زوارمحمد افضل ،حاجی طالب حُسین سکھانی ،سید عنصرعباس،امجد شاہ ،راؤرحمان علی ،فاروق گازرسید اختر عباس نے خطاب کیا اس موقع پر سینکڑوں کارکنا نے شرکت کی اور مہمانوں کو سرائیکی اجرک بھی پہنائی گئیں