راجن پور( صبح پا کستان )میونسپل کمیٹی راجن پور کا اجلاس چیئرمین کنور کمال اختر کی زیر صدارت ہوا جس میں شہر کی خوبصورتی اور ناجائز تجاوزات کے خلاف قرار دادیں پیش کی گئیں جس کو ہاؤس نے متفقہ طور پر منظور کیا ۔یہ قراردادیں مختلف جنرل کونسلز کی طرف سے پیش کی گئیں اجلاس میں میونسپل کمیٹی کے وائس چیئرمین چوہدری نعیم ثاقب اور منتخب جنرل کونسلرز نے شرکت کی اجلاس میں چیئرمین کنور کمال اختر نے خطاب کرتے ہوئے کہا کہ راجن پور شہر کو خوبصورت اور تجاوزات ہٹا کر عوام کو بہتر سے بہتر سہولیات فراہم کریں گے۔انہوں نے کہا کہ شہر کی صفائی کے نظام کو بہتر کر دیا ہے لیکن مزید بہتری کے لئے اقدامات کر رہے ہیں۔انہوں نے کہا کہ ہم سب لوگوں کو مل کر شہر کی بہتری کے لئے کام کرنا ہو گا۔
