لیہ(صبح پا کستان)ڈپٹی کمشنر لیہ واجد علی شاہ کا اچانک ڈسٹرکٹ ہیڈ کوارٹر ہسپتال کا دورہ، ہسپتال میں بہترین انتظامات پر ایم ایس کو شاباش، نئے ویٹنگ ایریاز سمیت مختلف وارڈز کا معائنہ کیا۔ ڈی سی واجد علی شاہ نے اپنے دورہ کے دوران چلڈرن وارڈ،کارڈک وارڈ، ایمرجنسی سمیت مختلف بلاکس کا معائنہ کیا۔ صبح صبح کئے گئے معائنہ کے موقع پر ڈاکٹروں کی سو فی حاضری، ہسپتال میں صفائی کے بہترین انتظامات پر میڈیکل سپرنٹنڈنٹ ڈاکٹر عتیق الرحمن کو شاباش دیتے ہوئے ان کی کارکردگی کو سراہا۔ڈی سی واجد علی شاہ نے ہسپتال میں نئے ویٹنگ ایریاز سمیت نئی بلڈنگ کا بھی کا معائنہ کیا۔ایم ایس ڈاکٹر عتیق الرحمن کی نشاندہی پر جلد نئے ویٹنگ ایریاز کے لئے فنڈز کے اجراء کا بھی وعدہ کیا۔ اس موقع پر ایم پی اے لیہ چوہدری اشفاق احمد بھی ان کے ہمراہ تھے۔
