کوٹ سلطان۔ انسداد ملاوٹ مہم ۔غیر معیاری اور مضر صحت اشیاء بنانے پر بیکری اور مٹھائی کے کارخانے سیل

کوٹ سلطان (صبح پا کستان) اے سی لیہ کی کارروائی ،غیر معیاری اور مضر صحت اشیاء بنانے پر بیکری اور مٹھائی کے کارخانے سیل۔ انسداد ملاوٹ مہم کے تحت سپیشل برانچ اہلکاروں اور تھانہ کوٹ سلطان پولیس کے ہمراہ اے سی لیہ محمد عابد کلیار نے کوٹ سلطان شان مدینہ سویٹس اینڈ بیکرکے کارخانہ پر چھاپہ مار ا جہاں ناقص اور مضر صحت فوڈ ایٹمز کی تیاری پر کارروائی کرتے ہوئے کارخانہ سیل کر دیا ہے بعدازاں نواحی علاقہ حافظ آباد میں سلطان سویٹس اور مصطفی سویٹس اینڈ بیکرز کو بھی صفائی کے ناقص انتظامات اور مضر صحت اشیاء کی تیاری پر سیل کر دیا گیا ہے اس موقع پر اے سی لیہ عابد کلیار کا کہناتھا کہ ملاوٹ کرنے والے سماج دشمن عناصر کسی رعایت کے مستحق نہیں انسداد ملاوٹ مہم جاری رہے گی اور ملاوٹ کرنے والوں سے آہنی ہاتھوں سے نمٹا جائے گا۔