چوک اعظم ۔ ہیلتھ ویکسی نیٹر غائب ،سینکڑوں بچے ویکسی نیشن سے محروم ۔ڈی سی لیہ نوٹس لیں عوامی مطا لبہ

چوک اعظم(صبح پا کستان) چار ماہ سے ویکسی نیٹر غائب ،سینکڑوں بچوں کی ویکسی نیشن نہ ہو سکی اہلِ علاقہ کی محکمہ صحت کو درخواست ،ڈی سی لیہ سے نوٹس لینے کا مطالبہ ۔تفصیل کے مطابق یونین کونسل لیہ تھل کلاں کے گاؤں چک نمبر335اور 336ٹی ڈی اے کے رہائشیوں غلام فرید چھینہ،مظہر عباس چھینہ ،عابد حسین سیال ،وزیراں مائی ،طاہر عباس سیال ،عاصمہ بی بی ،اللہ وسائی ،مظہر عباس چھینہ ،محمد محسن خان سیال ،نے میڈیا کو بتایا کہ ان کی یونین کونسل کا ویکسی نیٹر رضوان صدیق عرصہ چار ماہ سے ان کی بستیوں میں نہیں آرہااس دوران ہونے والی ہر قسمی ویکسی نیشن سے ان کے بچے محروم ہیں ۔ویکسی نیٹر چکوک کی گنجان آبادیوں سے ہو کرہی واپس چلا جاتا ہے انہوں نے بتایا کہ انہوں نے اس سے قبل چیف ایگزیکٹو محکمہ صحت لیہ کو بھی درخواستیں دی ہیں ۔انہوں نے ڈپٹی کمشنر لیہ سے نوٹس لینے کا بھر پو ر مطالبہ کیا ہے ۔