ڈیرہ غازیخان ۔ پنجاب کے عوام مسلم لیگ ن کی قیادت پر مکمل اعتماد رکھتے ہیں ۔ وزیر اعلی شہباز شریف

ڈیرہ غازی خان ( صبح پا کستان) مسلم لیگ ن کے حمایت یافتہ امیدواروں کی بھاری اکثریت سے کامیابی اس امر کی شاہد ہے کہ پنجاب کے عوام مسلم لیگ ن کی قیادت پر مکمل اعتماد رکھتے ہیں اور انہیں حکومت کے جذبہ خدمت ، ترقیاتی حکمت عملی پر مکمل اعتماد ہے یہ بات وزیر اعلیٰ پنجاب میاں محمد شہباز شریف کی جانب سے جاری کردہ مراسلہ میں نو منتخب میئر شاہد حمید خان چانڈیہ اور ڈپٹی میئر شیخ اسرار احمد کو خصوصی مبارکباد دیتے ہوئے کہی ان کا کہنا تھا کہ جمہوری حکومتوں میں بلدیاتی اداروں کی اہمیت کسی وضاحت کی محتاج نہیں عوام ان اداروں میں موجود اپنے منتخب نمائندوں سے بجا طور پر مقامی اور اجتماعی مسائل کے بروقت بہترین حل کی توقع رکھتے ہیں قدرت نے آپکو عوام کی خدمت کا ایک زریں موقع عطا کیا ہے انہوں نے امید ظاہر کرتے ہوئے کہا کہ آپ اس موقع کو عوامی توقعات پر پورا اتریں گے جس کا اظہار رائے دہندگان نے آپکو ووٹ دیکر کیا ہے ۔ انہوں نے اپنا یقین دلاتے ہوئے کہا کہ عوامی خدمت کے اس سفر میں میرا اور حکومت پنجاب کا تعاون ہمیشہ حاصل رہے گا ۔