چوک اعظم ۔ ڈویژنل پبلک سکول ، زیر تعمیرعمارت بلڈنگ کا ڈیڑھ سال سے کام بند ٹھیکیدار غائب کمشنر نوٹس لیں

ڈویژنل پبلک سکول ، زیر تعمیرعمارت بلڈنگ کا ڈیڑھ سال سے کام بند ٹھیکیدار غائب کمشنر نوٹس لیں
چوک اعظم (صبح پا کستان)ڈویژنل پبلک سکول کی تعمیر ادھوری چھوڑ نے والے ٹھیکیدار کے خلاف کمشنر ڈیرہ غازیخان فوری کاروائی کریں حکومتی اداروں نے کاروائی نہ کی تو پر امن اجتجاج ہو گا ، تفصیل کے مطابق محمد عمر شاکر صدر کمیونٹی ڈویلپمنٹ آرگنائزیشن چوک اعظم نے گزشتہ روز ذرائع ابلاغ کے نمائندگان سے گفتگو کرتے ہو ئے کہا کہ چوک اعظم میں دانش سکول کی بجائے ڈویزنل پبلک سکول تعمیر کیا گیا جس کی تعمیر ٹھیکیدارگزشتہ ڈیڑھ سال سے ادھوری چھوڑ کر غائب ہوگیا ہے ادھوری تعمیر چھوڑ کر غائب ہونے والے ٹھیکیدار کے خلاف کمشنر ڈیرہ غازیخان ڈی سی او لیہ سمیت اعلی حکام فوری کاروائی کریں تاکہ ڈویزنل پبلک سکول کی تعمیر مکمل ہونے کے بعد فوری کلاسز کا اجراء ممکن ہوسکے محمد عمر شاکر نے مزید کہا کہ حکومتی اداروں نے بروقت کاروائی نہ کی تو سماجی سیاسی حلقوں کے ساتھ مل کر پر امن احتجاج ہو گا۔