لیہ ۔ گورٹمنٹ کالج میں سال اول کے طلبا کے اعزاز میں ویلکم پارٹی کا انعقاد
کوٹ سلطان (ڈسٹرکٹ رپورٹر)پوسٹ گرایجوایٹ کالج کوٹ سلطان میں انتظامیہ کی جانب سے سال اول کے طلبا کے اعزاز میں ویلکم پارٹی کا انعقاد، ریکارڈ داخلوں پر شہریوں کا پرنسپل کو خراج تحسین۔ امسال گورنمنٹ کالج کوٹ سلطان میں سال اول کے ہونے والے طلبا کے ریکارڈ داخلوں پر کالج انتظامیہ نے طلبا کے اعزاز میں ویلکم پارٹی کا انعقاد کیاگیا۔ منعقدہ تقریب سے خطاب کرتے ہوئے پرنسپل گورنمنٹ پوسٹ گریجوایٹ کالج پروفیسر ڈاکٹر مزمل حسین نے خطاب کرتے ہوئے کہاکہ کالجز طلبا کی ذہنی، تخلیقی، علمی نکھا ر کا نام ہیں جبکہ پرائیویٹ تعلیمی ادارے طلبا کے نام پر پیسا بنانے میں مصروف ہیں۔ انہوں نے والدین کا شکریہ ادا کرتے ہوئے کہاکہ امسال سال اول میں ریکارڈ داخلے والدین کے اعتماد کا مظہر ہے۔ تقریب سے پروفیسر اسد اللہ، پروفیسر مختیار بلوچ، پروفیسر منور جعفری، پروفیسر شعیب بخاری و دیگر نے بھی خطاب کیا جبکہ طلبا نے ملی نغمے اور اپنی تقاریر پیش کیں۔
رپورٹ ۔ مہر سرفراز واندر
