حکومت دریائے سندھ کے متاثرین کی آباد کاری اور کٹاؤ سے تحفظ دینے کیلئے ٹھوس اقدامات کر رہی ہے ۔ ایم این اے سید ثقلین شاہ بخاری
لیہ(صبح پا کستان ) لیہ میں دریا ئے سندھ نے سو نا اگلتی زمینوں کو نگلنا شروع کر دیا،کٹاو سے ابتک 20ہزار ایکٹر سے زائد قیمتی اراضی دریا برد، لہلہاتے کھیت دریا ئی لہروں میں بہہ گئے ،ہنستے بستے سینکڑوں گھر چھوڑ کر مکین نقل مکانی پر مجبور،10 سے زائد بستیاں صفحہ ہستی سے مٹ گئیں۔دریا ئے سندھ میں لیہ کے مقام پر پا نی کے اتار چڑھاو کی بدولت کٹاو سے نشیبی علاقہ تاریخ کی بد ترین تباہی کا شکار ہے، کروڑ لعل عیسن سے پہاڑ پور نشیب کی 72 کلو میٹر طویل دریا ئی پٹی میں جاری کٹاو کے باعث 20 ہزار ایکٹر سے زائد قیمتی سو نا اگلتی زمینیں، گنے چاول ،مونگی اور کپاس کی فصلات دریا نگل چکا ہے۔موضع لو ہانچ نشیب ،واڑاں سیہڑاں ،،ڈلو نشیب ، راکھواں ،شاہ والا اور موضع بکھری احمد خان سب سے زیادہ متاثر ہیں۔کٹاو? اس قدر شدید ہے کہ صرف بیس روز کے دوران بعض مقامات پردو دو کلو میٹر طویل علاقہ دریا ئی لپیٹ میں آ چکا ہے جس کی زد میں آ نیوالی بستی سوہیہ،بستی جڑ ،بستی موہانہ ،بستی گشکوری،چاہ ممدو ٹوٹن والا سمیت 10 بڑی انسانی آبادیاں صفحہ ہستی سے مٹ چکی ہیں۔جوں جوں دریا قریب آ رہا ہے علاقہ مکین اپنے ہنستے بستے گھر چھوڑ کر نقل مکانی پر مجبور ہیں۔لیہ کے نشیبی علاقہ میں بڑ ئے پیما نے پر دریا ئی تباہی کے باوجود تاحال انتظامی سطح پر کو ئی اقدام نہ اٹھا یا گیا ہے ،متاثرین کٹاؤ نے حکومت پنجاب سے ہنگامی بنیادوں پر سپر بندوں کی تعمیر یقینی بنا نے اور رہائش کیلئے زمین فراہم کر نیکا مطالبہ کیا ہے۔
حکمران جماعت مسلم لیگ (ن ) کے ممبران اسمبلی ایم این اے سید ثقلین شاہ بخاری اور ایم پی اے چو ہدری اشفاق احمد نے در یا ئے سندھ کے متا ثرہ مواضعات کا دورہ کیا ، علا قہ نشیب کے موضع لو ہانچ نشیب میں متاثرین دریائے سندھ کے اجتماع سے خطاب کرتیایم این اے ثقلین شاہ بخاری نے کہا حکومت دریائے سندھ کے متاثرین کی آباد کاری اور کٹاؤ سے تحفظ دینے کیلئے ٹھوس اقدامات کر رہی ہے آئندہ ہفتہ میں4سٹڈز کی تعمیر کا کام شروع ہو جائے گا انہوں نے مزید کہا دریائے سندھ کا کٹاؤ آفت ہے اور حکومت و ضلع انتظامیہ کٹاؤ کا شکار ہونے والے گھرانوں کے شانہ بشانہ ہیں اور انہیں ہرگز تنہا نہیں چھوڑیں گے،لیگی ایم پی اے چوہدری اشفاق احمد نے کہا کہ محکمہ اریگیشن پنجاب کے ماہرین کی خصوصی ٹیم ضلع لیہ کے نشیبی علاقوں کا مفصل وزٹ کر چکی ہے جس کی روشنی میں نشیبی علاقوں میں اس ہفتہ میں 4سٹڈپروٹیکشن بند کی تعمیر کا کام شروع ہو جائے گا اور کہا کہ جو بھی متاثرہ ہوئے ہیں ان کی آباد کاری کیلئے حکومت بھر پور اقدامات کرے گی اس موقع پر ڈی سی او سید واجد علی شاہ ،ایڈیشنل ڈسٹرکٹ کلکٹر نعیم اللہ بھٹی ،اسسٹنٹ کمشنر عمران شمس اور دیگر افسران و عمائدین علاقہ موجود تھے
رپورٹ ۔ عبد الرحمن فریدی
