لیہ(صبح پا کستان)سابق ای ڈی او تعلیم مسز طاہرہ شفیق چشتی کی بطور پرنسپل اسلامیہ گرلز ہائی سکول لیہ تعیناتی کے سیکرٹری تعلیم کے آرڈرز کو ڈی سی او لیہ نے واپس لینے کا لیٹر سیکرٹری تعلیم پنجاب کو لکھ کر ریلیو کر دیا ڈی سی او لیہ سید واجد علی شاہ کی طرف سے لکھے گئے لیٹر میں کہا گیا کہ طاہرہ شفیق چشتی کی بطور ای ڈی او تعلیم لیہ میں تعیناتی کے دوران ان پر کرپشن ،عہدہ کے ناجائز استعمال اور حکومتی پالیسی کے خلاف کام کرنے کی شکایات ہیں جن کی انکوائریز بھی چل رہی ہیں،طاہر شفیق چشتی کی بطور پرنسپل گورنمنٹ گرلز اسلامیہ سکول لیہ میں تعیناتی سے ضلع لیہ میں بہت سے مسائل جنم لے سکتے ہیں اس لئے ان کی تعیناتی ضلع لیہ سے باہر کی جائے۔ڈی سی او لیہ نے طاہرہ شفیق چشتی کو ریلیو کر ایجوکیشن ڈیپارٹمنٹ پنجاب میں رپورٹ کرنے کا لیٹر جاری کردیا۔
رپورٹ ۔ عبد الرحمن فریدی پریس رپورٹر
