کروڑ لعل عیسن ۔ پولیس جرائم پیشہ عناصر کوتحفظ دے کر نوٹ کمانے میں مصروف

کروڑ لعل عیسن (صبح پا کستان) کروڑ لعل عیسن جرائم پیشہ عناصرکا گڑھ بن گیا،تفصیلات کے مطابق نئے ڈی ایس پی رمیز بخاری اور عرصے دراز سے تعنیات ایس ایچ او ملک ریاض حسین کی تعیناتی کے ساتھ ہی چوری ڈکیتی کی وارداتوں میں اضافہ ہوگیا،کروڑ اور گرد و نواح میں جسم فروشی ،منشیات فروشی کے اڈے پولیس کی سرپرستی میں چلنے لگے،کروڑ لعل عیسن کی پولیس جرائم پیشہ عناصر کوتحفظ دے کر نوٹ کمانے میں مصروف ہوگئی،تھانہ کروڑکی حدودمیں گلی محلوں میں نوجوان نسل کو منشیات بیچی جانے لگی،جسم فروشی عام ہونے لگی، نئے تعنیات والے ڈی پی او محمد علی ضیا کی تعنیاتی سے شہری میں امید کی کرن پیدا ہوئی کہ نئے تعینات ہونے والے ڈی پی او لیہ کروڑ لعل عیسن سے جرائم پیشہ عناصر کا قلعہ قمع کیا جائے لیکن جرائم پیشہ عناصر نے نئے ایس ڈی پی او کروڑ اور ایس ایچ او کی آنکھوں پر نوٹوں کی پٹی باندھ دی ،جس کی وجہ سے گلی محلے منشیات فروشوں سے بھرگئے ،اہل علاقہ سخت ذہنی اضطراب میں مبتلا ہوگیا۔کاہنہ کی سماجی ،اصلاحی،فلاحی تنظیموں نے اعلیٰ حکام سے کروڑ سے جرائم پیشہ عناصر کے خاتمے کا مطالبہ کیا ہے۔
رپورٹ ۔ ظاہر شاہ پریس رپورٹر