انیس سو اسّی کی دہائی میں جب پاکستان بھر کے محروم سرکاری ملازمین کی چیخیں سننے والا کوئی نہ تھا، محمد اسحاق ساقی مرحوم نے مظلومیت کے اندھیروں کو چیر کر "عزت نفس کی بحالی” اور "حقوق کے حصول” کا پرچم بلند کیا۔ یہ صرف ایک احتجاج نہ تھا، یہ ایک سوچ تھی، ایک نظریہ تھا کہ سرکاری ملازم بھی اس ملک کا شہری ہے، اس کا بھی آئینی اور قانونی حق ہے مالی وسائل میں، عزت میں، تحفظ میں۔
اسی جدوجہد میں تیمر گرہ، سوات، کے پی کے سے سید ہدایت یار بخاری جیسے سپاہی شامل ہوئے۔ لیہ کی سرزمین سے بھی وفادار ساتھی میدان میں نکلے: عبدالرشید خان محکمہ تعلیم، محمد اسلم خان نتکانی ڈپٹی کمشنر آفس، جانثار میونسپل کمیٹی لیہ، میاں محمد امیر، راجہ محمد افتخار ایم ای او ورکشاپ، طارق خان چانڈیہ زرعی انجنئیرنگ ورکشاپ، رفیق ہمراز بلڈنگز ڈیپارٹمنٹ، محمد شفیع ملانہ اریگیشن، ملک فیروز مرحوم، ملک عظمت، رانا محمد افضل ایجوکیشن، سید نادر حسین شاہ صحت، قیصر خان چانڈیہ صحت، ذوالفقار نظامی محکمہ شاہرات، مشتاق احمد انصاری، ملک ظفر فوڈ ڈپارٹمنٹ، چوہدری رشید احمد ڈی سی آفس، قاضی محمد آصف زراعت، چوہدری محمد نسیم لوکل گورنمنٹ، ظہیر انصاری جنگلات، عبد القیوم انصاری زرعی سپلائی کارپوریشن، ہدایت حسین چوہان تعلیم ڈی سی آفس، ملک محبوب حسین ساجد، ملک شعیب جیلانی دھول، حاجی صدیق، ملک امتیاز کلوری، مہر شریف سمرا، جی ایم اعوان، مہر نوید گل لوہانچ، نعیم اللہ کھیتران، چوہدری محمود گوجر جی۔سی۔ٹی لیہ، سید یونس بخاری، ممتاز حسین سیال سوشل ویلفئیر، شیخ صابر مصطفیٰ، محمد علی شاہد، مبشر میرانی، سکندر گوجر، جمشید اقبال قریشی، مہر اسلم ڈلو، طلحہ قمر گوجر، محمود گوجر محکمہ حیوانات، افضل چوہدری پراسیکیوشن، ارشد بھٹی، رانا آصف، توصیف جھنڈیر، ملک عاصم کمانڈو، قاضی اسلام، ملک منظور کواپریٹو، فرقان خورشید گوجر ایکسائز، بابر ذیشان ملانہ، شاہ نواز کھر، منور حسین بغوچی، ساجد اقبال، سید وقاص کاظمی کالجز ونگ، شمشیر چھینہ جمال خان، عابد ضیاء، تحسین اقبال چندہ، نسیم اقبال سابق جنرل سکریٹری، محبوب ثاقب، توصیف سیف، اللہ تھوری، سہیل جونی، جواد کلاچی، اعظم چشتی، جاوید اتراء، جھنڈیر، سعید خان سرگانی اور دیگر بے شمار کارکنان جن کے نام یہاں لکھے نہ جا سکے، نے اپنی جان، وقت اور صلاحیت لگا کر اس تحریک کو زندہ رکھا۔
پھر وہ قافلہ نکلا جو کے پی کے پہاڑوں، آزاد کشمیر کی وادیوں، گلگت کے برف پوش علاقوں، پنجاب کے شہروں، کچہریوں، تھل، دامان کے چپے چپے اور وادی مہران کے ہر گاؤں میں گیا۔ مقصد ایک تھا: گریڈ 1 سے گریڈ 16 تک کے کلرکس اور ملازمین کو ایک پلیٹ فارم پر لانا۔
لوگ کہتے تھے "کوؤں کو ایک جگہ بٹھانا اور کلرکس کو متحد کرنا محال ہے”۔ مگر یہ وہ جان گسل کام تھا جو ایپکا کے رہنماؤں نے کر دکھایا۔ لنڈی کوتل سے کراچی کے ساحل تک، جنرل ضیاء الحق کا دور ہو، محترمہ بے نظیر بھٹو کا دور ہو، میاں نواز شریف کا وزارتِ عظمیٰ کا زمانہ ہو، سید یوسف رضا گیلانی کا دور ہو یا شہباز شریف کا اقتدار – ایپکا کی جدوجہد رکی نہیں۔
زمین سے اٹھ کر ملازم کو آسمان تک پہنچایا۔ عزت نفس بحال ہوئی، تنخواہوں میں اضافہ ہوا، الاؤنسز ملے، ہر میدان میں ایپکا نے اپنی تنظیمی قوت کا لوہا منوایا۔ یہ سب اتحاد کا کمال تھا۔
### آج پھر تاریخ خود کو دہرا رہی ہے
آج سرکاری ملازمین ایک بار پھر کسمپرسی کے دور سے گزر رہے ہیں۔
1. پنشن میں کٹوتی اور رول بیک: نئی پنشن اسکیم کے نام پر ملازم کی عمر بھر کی کمائی کو خطرے میں ڈال دیا گیا ہے۔ وہ شخص جس نے 30-35 سال حکومت کو دیے، اسے بڑھاپے میں بے یقینی کے سوا کچھ نہیں مل رہا۔
2. لیو انکیشمنٹ کا خاتمہ: یہ حق چھین کر ملازم سے کہا جا رہا ہے کہ تمہاری خدمت کی کوئی قیمت نہیں۔
3. 17 اے کوٹہ کا خاتمہ: شہید اور فوت شدہ ملازمین کے بچوں کا یہ واحد سہارا تھا۔ اسے ختم کر کے ہم نے وفاداری کا صلہ بے وفائی سے دیا۔
4. سکولز، ہسپتالوں کی نجکاری: تعلیم اور صحت جیسے بنیادی شعبوں کو منافع کے حوالے کرنا غریب ملازم اور غریب عوام دونوں کے ساتھ ظلم ہے۔
### اب کیا کرنا ہے؟
اب نعرہ صرف "جینا ہوگا، مرنا ہوگا، دھرنا ہوگا” نہیں، بلکہ "اب یا کبھی نہیں” ہے۔ ہر فرد کو اٹھنا ہوگا، ہر دفتر کو حقوق کے حصول کا مورچہ بنانا ہوگا۔ دھڑوں سے آزاد ہو کر اتحاد کی دولت جھولی میں ڈالنی ہوگی۔
مرکزی اور صوبائی حکومتوں کے ایوانوں کے سامنے زوردار احتجاج کرنا ہوگا۔ زندگی بھر کی جمع پونجی بچانے کے لیے ہر قربانی دینی ہوگی۔
یاد رکھیں، اگر آج ہم خاموش رہے تو ماضی کی مظلومیت ہی ہمارا مقدر ٹھہرے گی۔ اگر بولے، اگر متحد ہوئے، تو تاریخ گواہ ہے کہ ایپکا نے ہمیشہ ظلم کے آگے سر نہیں جھکایا۔
ملازمین اٹھیں! دنیا کو بتا دیں:
"زندہ ہے ایپکا، زندہ ہے ایپکا،
پاکستان کے ہر کوچے کوچے میں زندہ ہے!”
اتحاد میں برکت ہے، جدوجہد میں فتح ہے۔ ایپکا زندہ باد، پاکستان پائندہ باد
الٰہی بخش جوتہ، صدر ایپکا ڈسٹرکٹ لیہ
