پریس کلب چوک اعظم کے زیر اہتمام معرکۂ حق سیمینار اور عظیم الشان تقریب کا انعقاد

چوک اعظم (صبح پا کستان)پریس کلب چوک اعظم کے زیر اہتمام آپریشن بنیان مرصوص کی پہلی سالگرہ نہایت جوش و خروش، قومی جذبے اور حب الوطنی کے ولولے کے ساتھ منائی گئی۔ اس موقع پر یادگار چوک میں معرکۂ حق سیمینار اور ایک عظیم الشان تقریب کا انعقاد کیا گیا جس میں مدارس، سکولز اور کالجز کے طلبہ نے ریلیوں کی صورت بھرپور شرکت کی۔ شرکاء نے ہاتھوں میں قومی پرچم اٹھا رکھے تھے جبکہ فضا پاک فوج زندہ باد، قدم بڑھاؤ عاصم منیر، قوم تمہارے ساتھ ہے کے فلک شگاف نعروں سے گونجتی رہی۔ تقریب کا آغاز علامہ قاری عرفان سعیدی نے تلاوتِ کلام پاک اور نعت رسول مقبول سے کیا جبکہ اسٹیج سیکرٹری کے فرائض امجد شاہد چئیرمن مصالحتی کمیٹی نے نہایت احسن انداز میں سرانجام دیے۔اس موقع پر ڈاکٹر محمد شہباز قریشی، ملک امجد عباس اورا صوبائی صدر کسان ونگ مسلم لیگ ن، علامہ شاہد رضا عطاری، محمد اقبال چوہان صدر پرائیویٹ سکولز، محمد عمر شاکر صدر کمیونٹی ڈویلپمنٹ آرگنائزیشن، علامہ قمر عباس دھول رہنما PAT، عابد حسین کھرل صدر شہری اتحاد، شہباز اچلانہ اور مقبول حسین ہراج نے خطاب کرتے ہوئے پاک افواج کی جرات، قربانیوں اور بھارت کے خلاف تاریخی کامیابی کو شاندار الفاظ میں خراج تحسین پیش کیا۔مقررین نے کہا کہ پاکستان کی بہادر افواج نے دشمن کو منہ توڑ جواب دے کر پوری قوم کا سر فخر سے بلند کر دیا ہےانہوں نے کہا کہ شہداء کی قربانیاں ہمیشہ قوم کے ماتھے کا جھومر رہیں گی اور نوجوان نسل کو حب الوطنی، اتحاد اور قربانی کے جذبے سے سرشار رہنا چاہیے۔صدر پریس کلب چوک اعظم ڈاکٹر محمد شہباز قریشی نے تمام شرکاء کا شکریہ ادا کرتے ہوئے فیلڈ مارشل جنرل سید عاصم منیر کو خراج تحسین پیش کیا۔تقریب کے دوران تھانہ چوک اعظم پولیس نے SHO جعفر حبیب کی قیادت میں فول پروف سکیورٹی انتظامات کیے جبکہ ٹریفک پولیس کے اہلکاروں نے ٹریفک کی روانی برقرار رکھنے کیلئے گاڑیوں کو متبادل راستوں سے گزارا۔تقریب کے اختتام پر علامہ شاہد رضا عطاری نے شہداء کی بلندی درجات، ملکی سلامتی، استحکام، خوشحالی اور کرپشن کے خاتمے کیلئے خصوصی دعا کروائی۔ تقریب قومی یکجہتی، پاک فوج سے والہانہ محبت اور پاکستان سے غیر متزلزل وفاداری کا شاندار مظہر ثابت ہوئی۔تقریب میں غلام محمد خان سینئیر نائب صدر،عامر شہزاد جنرل سیکرٹری،سید محمد اعجاز قریشی چئیرمن مجلس عاملہ،چوہدری اشفاق وینس،طارق نفیس صدر انجمن صحافیان،محکمہ۔میاں عبد العزیز RFO لیہ رینج،کاشف جبار،حافظ فیصل شہزاد،چوہدری شاہد ارائیں،جاوید چوھان جنرل سیکرٹری انجمن صحافیان،ملک شوکت محمود،رمضان مغل،ملک ارسلان تھہیم،حفیظ علوی نائب صدر،غلام عباس زیدی،ملک ثاقب ملانہ،رانا عدنان سیکورٹی انچارج،خرم شہزاد و دیگر نے شرکت کی۔