خواتین کے حقوق کا تحفظ حکومت پنجاب کی اولین ترجیح ہے ،خاتون محتسب اعلیٰ پنجاب نجمہ افضل خان

ڈیرہ غازی خان (صبح پا کستان ): خاتون محتسب اعلیٰ پنجاب نجمہ افضل خان نے ڈیرہ غازیخان میں ریجنل خاتون محتسب دفتر کا دورہ کیا جہاں انہوں نے دفتر کے مختلف شعبہ جات، انتظامی امور اور خواتین کو فراہم کی جانے والی سہولیات کاتفصیلی جائزہ لیا۔ اس موقع پر لاء آفیسر ابرار بزدار، اسٹاف آفیسر حافظ فاروق انور اور دیگر حکام بھی موجود تھے۔ دورے کے دوران خاتون محتسب اعلی پنجاب نجمہ افضل خان نے میڈیا نمائندگان سے گفتگو کرتے ہوئے کہا کہ خواتین کے حقوق کا تحفظ حکومت پنجاب کی اولین ترجیح ہے. انہوں نے کہاکہ وزیر اعلیٰ پنجاب مریم نواز شریف کی ہدایات کے مطابق کام کی جگہ پر خواتین کو ہراساں کرنے کے معاملے پر زیرو ٹالرنس پالیسی اپنائی گئی ہے اور خواتین ملازمین کو ہراساں کرنے یا ان کے ساتھ امتیازی سلوک کرنے والوں کے خلاف سخت کارروائی عمل میں لائی جا رہی ہے ا نہوں نے کہاکہ 2013سے اب تک خواتین کو ہراساں کرنے سے متعلق ہزاروں شکایات موصول ہو چکی ہیں جن میں سے 1400سے زائد کیسز ہراسگی ایکٹ کے تحت دائر ہوئے جبکہ 1300سے زائد کیسز کے فیصلے بھی کیے جا چکے ہیں۔انہوں نے بتایا کہ جرم میں ملوث افراد کو قانون کے مطابق سزائیں دی گئی ہیں اور اس سلسلے میں کسی قسم کی رعایت نہیں برتی جا رہی. خاتون محتسب اعلی پنجاب نے مزید کہا کہ مرکزی دفتر سمیت پنجاب بھر میں قائم گیارہ ریجنل دفاتر کا مقصد خواتین کو فوری انصاف اور محفوظ ماحول کی فراہمی یقینی بنانا ہے۔انہوں نے اس عزم کا اظہار کیا کہ خواتین کے حقوق کے تحفظ اور ان کی شکایات کے بروقت ازالے کیلئے تمام دستیاب وسائل بروئے کار لائے جا رہے