معرکہ حق/ بنیان المرصوص کے حوالہ سے ضلعی انتظامیہ اور میونسپل کمیٹی میانوالی کے اشتراک سے جناح ہال میں شاندار مشاعرہ کا اہتمام کیا گیا ۔ مشاعرہ کی صدارت معروف شاعر و گیت نگار محمد مظہر نیازی نے کی ۔
ڈائریکٹر انفارمیشن ریٹائرڈ تنویر خالد اور سی او میونسپل کمیٹی مبشر کلیم گل مہمان خصوصی تھے جب کہ پی آر او انصر شیراز مہمان اعزاز تھے ۔ مشاعرہ میں محمد مظہر نیازی ، نزیر یاد، ضیاء قریشی، اختر مجاز، صابر بھریوں، زبیر ہاشمی ، ارسل نیازی، عرشم نیازی اور امجد مارٹن غوری نے ولولہ انگیز کلام سے سامعین کے دلوں کو گرمایا۔ مشاعرہ کی نظامت کے فرائض معروف شاعر ، گلو کار ، موسیقار طاہر ساقی نے سر انجام دئیے ۔ مہمان خصوصی تنویر خالد نے معرکہ حق اور وطن سے محبت ، پاک افواج کی قربانیوں، بہادری اور ایثار پر سیر حاصل گفتگو کی۔ صدر محفل نےمشاعرہ کے بہترین انتظامات پر فوکل پرسن ایم سی میانوالی امجد شاہ بخاری کی کاوشوں کو خصوصی طور پر سراہا
رپورٹ ۔ مظہر کھر
