میں معزرت خواہ ہوں۔۔۔۔۔ ۔۔۔تحریر ۔عنا یت اللہ کاشف ایڈووکیٹ

میری فرشتہ صفت بیٹی فرشتہ اور نیک دختر عاصمہ میں بہت معزرت خواہ ہوں کیونکہ میں اور میرے جیسے للی کپوری آپ کو انصاف نہیں دلا سکتے میں انتہائی معزرت خواہ ہوں ابھی ریاست مدینہ میں چوروں کا احتساب ہو رہاہے ریاست مدینہ کے عمائدین کے پاس آپکے کیس کے لیے وقت بھی نہیں ہے فرشتہ بیٹی کوئی بات نہیں آپ کا پوسٹ مارٹم نہیں ہو رہا تو بلکل کوئی بات نہیں ابھی وقت ہی کتنا گزرا ہے چند گھنٹے یا چند دن کوئی بات نہیں پوسٹ مارٹم بھی ہو جائیگا بس ثبوت تو مٹ جانے دیں پوسٹ مارٹم کے لیے اتنی بھی کیا جلدی ہے فرشتہ بیٹی عاصمہ نیک دختر اگر ایف آئی آر کٹ بھی جائے پوسٹ مارٹم ہو بھی جائے قاتل پکڑ بھی لیے جائیں تو آپکوجدید ریاست مدینہ میں انصاف نہیں مل سکتا کیونکہ آپ کسی سردار تمن دار کی بیٹی تو ہو نہیں آپ کسی و ڈیرے کسی وزیر مشیر کی بیٹی بھی نہیں ہو آپ کسی عالمی مالیتی ادارے کے سربراہ یا انکے ملازم کی بیٹی بھی نہیں ہو آپ کسی سپریم کورٹ یا ہائی کورٹ کے جج کی بیٹی بھی نہیں ہو آپ کے رگوں میں کسی جرنل کرنل کا خون بھی نہیں ہے آپ کسی شوگر ملز مافیا کے خاندان سے بھی نہیں ہو آپ کسی بڑے لوگوں کو” مال “سپلائی کرنے والے شخص کی بیٹی بھی نہیں ہو آپ قبضہ مافیا کے خاندانوں سے تعلق بھی نہیں رکھتی ہو میں معزرت خواہ ہوں لیکن سارا قصور میرا بھی نہیں ہے آپ جو میری طرح للی کپوری چوہڑے چنگڑ کمی کموڑے خاندانوں یعنی عام عوام سے ہو مجھ سمیت تمام للی کپوری مل کر بھی آپ کے لیے کچھ نہیں کر سکتے ہاں اگر پرانے والی ریاست مدینہ ہوتی جسمیں “فاطمہ بنت محمد چوری کرتی تو میں محمد اسکے ہاتھ کاٹ دیتا”پھر انصاف مل جاتا میں معزرت خواہ ہوں۔۔