کوٹ سلطان نیوز

 شہر بھر سے تجاوزات کے خاتمے کے لیے آپریشن شروع

کوٹ سلطان (صبح پا کستان)سی او یونٹ کی جانب سے انجمن تاجران اور پولیس کی مدد سے شہر بھر کو تجاوزات سے پاک کرنے کے لیے آپریشن کیا گیا ابتدائی طور پر پیر جگی چوک میں قائم تمام تجاوزات کا خاتمہ کیا گیا ہے سپر وائزر سی او یونٹ کوٹ سلطان میاں فیصل فرید نے میڈیا نمائندگان کو بتایا کہ شہر بھر سے تجاوزات کے خاتمے کے لیے آپریشن شروع کر دیا ہے ابتدائی طور پر پیر جگی چوک اور بکھری احمد خان سے تجاوزات کا خاتمہ کیا گیا ہے جلد سے شہر بھر کو تجاوزات سے پاک کر دیا جائے گا ۔

سپرسکس کرکٹ ٹورنا منٹ کا فا ئنل چوک اعظم کرکٹ کلب نے جیت لیا کوٹ سلطان (صبح پا کستان) گڑھ موڑ میں کھیلے جانے والے سپرسکس کرکٹ ٹورنا منٹ کا فا ئنل چوک اعظم کرکٹ کلب نے جیت لیا فائنل میچ گڑھ موڑ کر کٹ کلب اور چوک اعظم کرکٹ کلب کے درمیان کھیلا گیا میچ 8بالوں پر مشتمل تھا چوک اعظم کرکٹ کلب نے پہلے کھیلتے ہوئے 16رنز بنائے جواب میں گڑھ موڑ کلب 8گیندوں پر 9رنز بنا سکی چوک اعظم کلب کی جانب سے محمد آصف خان ،اعجاز سمراء اور منیب احمد نے بہترین کھیل کا مظاہر ہ کیا ۔ ٹرانسفارمر جلنے سے علاقہ مکینوں کو شدید مشکلات کا سامنا کوٹ سلطان (صبح پا کستان ) ٹبہ جاماں والا کا ٹرانسفارمر جلنے سے علاقہ مکینوں کو شدید مشکلات کا سامنا ہے شدید گرمی میں بجلی نہ ہونے سے شہریوں کا جینا محال ہو چکا ہے اہل علاقہ سیٹھ قیصر سہو،شاہد اقبال،محمد سلمان ،اللہ نواز،عبدالرؤف ،محمد ارسلان ،جنیدپپو اور دیگر نے فوری طور پر اصلاح احوال کا مطالبہ کیا ہے ۔