لیہ ۔ ضلع پولیس لیہ جرائم کے خاتمے کے لیے سرگرم عمل ہے،ڈی پی او
لیہ ( صبح پا کستان)ضلع پولیس لیہ جرائم کے خاتمے اور جرائم کی سرکوبی کے لیے سرگرم عمل ہے مقدمات کی تفتیش سائیٹتفک بنیادوں پر عمل میں لاتے ہوئے یکسو کیے جاتے ہیں جس کے نتیجے میں شہریوں کو پر امن ماحول کی فراہمی کے لیے یقینی بنانے کے لیے تما م تر پیشہ وارانہ ذمہ داریاں پوری کی جارہی ہیں یہ بات ڈی پی او لیہ کیپٹن (ر) محمد علی ضیا ء نے منتخب نمائندوں اور پولیس افسران کے مشترکہ اجلاس میں کہی ۔ اجلاس میں ممبر صوبائی اسمبلی قیصر عباس مگسی ، نور اکبر ، چوہدریرضوان ، ڈی ایس پی صدر اکرم خان نیازی ، ڈی ایس پی کروڑ سرکل رمیز بخاری ، ڈی ایس پی لیگل اصغر اولکھ ،ڈی ایس پی طاہر مقصود سمیت دیگر پولیس افسران شامل تھے ۔ اجلاس میں چوک اعظم میں ٹریفک پلان ، کرایہ داران کے کوائف ، کھلی کچہری کا انعقاد، فتح پور میں زہریلی مٹھائی سے اموات سمیت دیگر امور زیر بحث لائے گئے۔
