لاہور۔ پنجاب حکومت نے ایک لاکھ سرکاری آسامیوں پر بھرتی کی منظوری دیدی۔
پنجاب کے ترجمان حسان خاور نے کہا کہ صوبائی حکومت نے ایک لاکھ سرکاری آسامیوں پربھرتی کی منظوری دی، بھرتیاں میرٹ کی بنیادوں پر ہوں گی، بھرتیوں کا میرٹ تعلیم اور تجربہ ہے، عوام کو پتہ ہے کہ وزیراعلیٰ نے ٹھوس بنیاد پر حکمت عملی بنائی اور بات چیت سے مسائل حل ہوئے، اگر کوئی پرفارم نہیں کرے گا تو وہ تبدیل ہوگا، اگر پچیس بار تبدیل کرنا پڑے تو یہ کیا جائے گا۔
ان کا کہنا تھا کہ آئی جی پنجاب کو تبدیل نہیں کیا جارہا۔ لاہور کی پولیس میں چند اہم تبدیلیاں لائی جارہی ہیں، ہم نوکریوں کی سیاست پر یقین نہیں رکھتے، جن محکموں میں جگہیں خالی ہیں انہیں پُر کیا جائے گا، نوکریوں کے معاملے پر کوئی تاخیر یا شارٹ کٹ نہیں لیا جائے گا۔
حسان خاو کا کہنا تھا کہ تحریک لبیک کے معاملے پر مذاکرات سے مسئلہ حل ہونے جارہا ہے یہ قوم کی جیت ہے، عدالتی معاملات عدالتیں حل کریں گی، انتظامی مسائل انتظامی بنیاد پر حل ہوں گے۔
