چوک اعظم {صبح پا کستان }گھر سےاچانک غائب ہونے والے تاجر کی نعش حیات نہر سے مل گئئ موٹر سائیکل اور موبائل بھی برآمد ، موٹر سائیکل والی جگہ سے نعش 3 کلو میٹر پیچھے سے ملی ہے ، سر میں چوٹ موجود ، چوک اعظم ہسپتال میں پوسٹ مارٹم جاری رپورٹ کا انتظار، موبائل ڈیٹا کی مدد بھی لی جارہی ہے ، لواحقین خاموش ,قتل یا خود کشی ؟
تفصیل کے مطابق مورخہ 24 ستمبر کو بعد نماز مغرب گھر سے آدھے گھنٹے کا کہہ کر گھر سے جانے والے تاجر محمد جاوید انور کی نعش آج
25 ستمبر کو حیات نہر چک نمبر 317 ٹی ڈی اے کے قریب سے مل گئی جبکہ مرحوم کا موٹر سائیکل ہیڈ کمہاری منڈا نہر کے قریب یعنی نعش ملنے والی جگہ سے 3 کلو میٹر آگے سے مل گیا ہے اور موبائل بھی مل گیا ہے ، لواحقین خاموش ہیں جبکہ پولیس نے کاروائی شروع کردی ہے موبائل ڈیٹا کو متعلقہ اداروں کو بھجوا دیا گیا ہے تاکہ سی ڈی آر کی مدد سے کیس کو آگے بڑھایا جا سکے جبکہ دوسری جانب مرحوم کا چوک اعظم ہسپتال میں پوسٹ مارٹم جاری ہے جوکہ اصولی طور پر فتح پور میں ہونا چاہیے تھا رپورٹ آنے سے بھی کافی حد مدد ملے گی مرحوم کے قریبی ذرائع کے مطابق خود کشی کو بھی خارج از امکان قرار نہیں دیا جا سکتا کیونکہ مرحوم کچھ عرصہ سے کسی ذہنی بیماری کا شکار تھے مرحوم انتہائی شریف النفس اور ملنسار انسان تھے اور ان کا خاندان چوک اعظم کے پرانے کاروباری تاجروں میں ہوتا ہے پہلے کوثر جنرل سٹور پھر کوثر ہارڈویئر اور اب کوثر ٹیوب ویل سروس کا بڑا کاروبار بھی ساتھ جاری رکھے ہوئے تھے ،مرحوم انتہائی شریف النفس اور ملنسار انسان تھے
یکے بعد دیگرے چوک اعظم میں مسلسل ایسے واقعات سے شہریوں میں تشویش پائی جاتی ہے اور پولیس کارکردگی اور عوامی نمائندوں پہ سوالات اٹھائے جارہے ہیں، پو لیس نے تحقیقات کا آغاز کر دیا ہے شواہد اکٹھے کءے جا رہے ہیں ۔
رپورٹ ؛۔ غلام رسول اصغر پریس رپورٹر چوک اعظم
