اسلام آبا د۔ پاکستان سٹیل ملز کے ریٹائرڈ ملازمین کیلئے وفاقی حکومت کی جانب سے 11 ارب 44 کروڑ کے واجبات جاری کر دیئے گئے۔
تفصیلات کے مطابق پاکستان سٹیل ملز کے ریٹائرڈ ملازمین کیلئے وفاقی حکومت کا اہم اقدام، وفاقی حکومت نے پاکستان سٹیل ملز کے ریٹائرڈ ملازمین کیلئے11 ارب44کروڑ روپے قرض کی منظوری دے دی ہے۔حکومت کی طرف سے ریٹائرڈ ملازمین کو اس رقم سے واجبات ادا کئے جائیں گے،سرکاری دستاویز کے مطابق 11 ارب44کروڑ روپے کے فنڈ سٹیل ملز کے اکاؤنٹ میں منتقلی کیلئے آڈیٹر جنرل آف پاکستان کو مراسلہ جاری کر دیا ہے،سرکاری دستاویز کے مطابق اخراجات مالی سال2020-21کے بجٹ سے ادا کئے جائیں گے۔
Source:
ڈیلی پاکستان آن لائن
