لاہور۔ پنجاب میں کورونا وائرس کے 565 نئے کیسز رپورٹ ہوئے جبکہ مزید 21 افراد جاں بحق ہو گئے
ترجمان پرائمری اینڈ سیکنڈری ہیلتھ کیئر کے مطابق پنجاب میں کورونا کیسز کی مجوعی تعداد 86 ہزار 556 ہو گئی۔ لاہور میں 281، ننکانہ صاحب میں 5، قصور میں 5، شیخوپورہ میں 8 اور راولپنڈی میں 52 نئے کیسز رپورٹ ہوئے۔حافظ آباد میں 4، منڈی بہاؤ الدین میں 13، چکوال میں ایک، گوجرانوالہ میں 12، سیالکوٹ میں 9، نارووال میں 13، گجرات میں 34 اور ملتان میں 16 نئے کیسز رپورٹ ہوئے۔
خانیوال میں 11، فیصل آباد میں 24، ٹوبہ ٹیک سنگھ میں 5 اور رحیم یار خان میں 3 نئے کیسز رپورٹ ہوئے۔سرگودھا میں 14، بہاولنگر میں 2، بہاولپور میں 12، ڈی جی خان میں 14، لودھراں میں 3، مظفر گڑھ میں 7، راجن پور میں ایک، اوکاڑہ میں 9، پاک پتن میں 15 اور ساہیوال میں 3 مزید کیسز سامنے آئے۔
پنجاب میں کورونا سے مزید 21 افراد کی موت کے بعد صوبے میں اموات کی کل تعداد ایک ہزار 2006 ہو گئی۔ صوبے میں 55 ہزار 175 افراد کورونا کو شکست دے کر صحتیاب ہو گئے۔پاکستان میں کورونا وائرس کے باعث 5 ہزار 197 افراد جان کی بازی ہار چکے ہیں اور 2 لاکھ 48 ہزار 872 افراد متاثر ہیں۔
