راجن پور(صبح پا کستان)ٹائیگر انصاف فورس کا قیام وزیراعظم پاکستان عمران خان کا ایک دانشمندانہ اقدام ہے۔ جس کی وجہ سے معاشرہ میں پائی جانے والی خامیوں کی نشاندہی اور ان کے بروقت اور مناسب حل میں مددگار ثابت ہوگا۔ ٹائیگر انصاف فورس ہمارے معاشرہ کی تعمیر و ترقی میں ہراول دستے کا کردار ادا کرے گی۔
یہ باتیں چیئرمین اسٹینڈنگ کمیٹی برائے لوکل گورنمنٹ پنجاب سردار فاروق امان اللہ خان دریشک، ایڈیشنل ڈپٹی کمشنر ریونیو ظہور حسین بھٹہ، اسسٹنٹ کمشنر راجن پور اورنگزیب سدھو اور دیگر مقررین نے تحصیل راجن پور کے ٹائیگر انصاف یونٹ کے سیمینار سے خطاب کرتے ہوئے کہیں۔مقررین کا مزید کہنا تھا کہ ٹائیگر انصاف فورس معاشرہ کی ناہمواریوں کو انتظامیہ تک پہنچائے۔ یہ صدقہ جاریہ ہے۔ کیونکہ اس سے لوگوں کے مسائل ان کی دہلیز پر حل ہوں گے۔
