لیہ۔ ضلع میں گندم خریداری ٹارگٹ 44ہزار میڑک ٹن بڑھادیاگیا ہے۔ ڈائریکٹر جنرل پنجاب سیڈ کارپوریشن جاوید محمود بھٹی

لیہ(صبح پا کستان)ڈائریکٹر جنرل پنجاب سیڈ کارپوریشن جاوید محمود بھٹی نے کہاہے کہ متغیرموسمی حالات اور ٹڈی دل کے حملوں کے باعث ضلع میں گندم خریداری ٹارگٹ 44ہزار میڑک ٹن بڑھادیاگیا ہے۔ مہم کی تکمیل تک کاشتکاروں سے گندم خریداری جاری رکھی جائے گی۔انہوں نے یہ بات ضلع بھر کے گندم خریداری سنٹرز فتح پور،ٹیل انڈس،اڈا 217ٹی ڈی اے کے معائنہ کے موقع پر کہی۔ڈپٹی کمشنر اظفر ضیاء،ڈی ایف سی محمدشعیب اور متعلقہ افسران اس موقع پر ان کے ہمراہ تھے۔ڈی جی سیڈکارپوریشن نے کہا کہ کاشتکاروں کو تمام سہولیات فراہم کی جائیں اور ان کی حق تلفی کرنے والے مڈل مین کو خریداری مراکز کے قریب بھی نہ آنے دیاجائے۔انہوں نے اس موقع ریکارڈ کی پڑتال،سٹاف کی حاضری اور اوزان کے پیمانے بھی چیک کیے۔