ڈیرہ غازی خان (صبح پا کستان) چار ماہ گذرنے کے باوجود سیوریج سسٹم بحال نہ ہوسکا وزیر اعظم شکایت سیل بھی بے معنی نکلا شکایت درج کرانے کے باوجود بھی سیوریج کے گندے پانی کی نکاسی نہ ہوسکی بہت دنوں سے گندہ پانی کھڑے رہنے مچھروں کی بہتات ہوگئی ہے وبائی امراض جنم لے سکتے ہیں شہریوں کا سیوریج کے گندے پانی نکاسی اور صفائی کرانے کا ڈی سی ڈیرہ اور سی او میونسپل کمیٹی ڈیرہ غازی خان سے مطالبہ
تفصیلات کے مطابق بلاک نمبر18، محلہ اکرام آباد فرید آباد کالونی کی قریشی سٹریٹ مدرسہ امہات المومنین والی گلی میں گذشتہ چار ماہ سے گندہ پانی کھڑا ہے اور مچھروں کی بہتات ہے جس کے باعث ملیریا و دیگر وبائی امراض پھیلنے کا خدشہ ہے اس سلسلہ میں پہلے بھی انتظامیہ کو نشاندہی کرائی مگر کوئی پرسان حال نہ ہوا۔ پھر قریبی مکینوں نے شکایت نمبرPu170420-7657282پر شکایت درج کرائی مگر ایک ہفتہ گذرگیا ابھی تک گندہ پانی نہ صرف جوہڑ کی شکل اختیار کر رہا ہے بلکہ الٹا گھروں میں داخل ہورہا جس پر قریبی مکینوں نزاکت علی قریشی، محمد علی، خالد لاشاری، محمد طاہر بزدار، راشد، عبدالغفار و دیگر نے سی ای او میونسپل کارپوریشن سے مطالبہ کرتے ہوئے کہا کہ صورتحال کا نوٹس لیتے ہوئے صفائی اور سیوریج کے نظام کو بہتر بنایا جائے۔
