سکردو۔ روندو کے قریب ویگن دریائے سندھ میں گر گئی جس کے نتیجے میں 20 مسافر جاں بحق ہو گئے جبکہ12 لاشیں دریائے سے نکال لی گئیں ۔
نجی ٹی وی جی این این کے مطابق کوسٹر راولپنڈی سے سکردو جا رہی تھی کہ موڑ کاٹتے ہوئے گہری کھائی میں جاگری ،گاڑی میں 25 مسافر سوار تھے ،گاڑی میں پاک فوج کے 6 جوان بھی شریک تھے ،حادثے میں 20 مسافر جاں بحق ہو گئے جبکہ 12 لاشیں نکال گئی ،گہری کھائی اور دریا میں پانی زیادہ ہونے سے آپریشن میں مشکلات کا سامنا ہے ۔
اسسٹنٹ کمشنر روندو کا کہناہے کہ پانچ افراد باہر گرنے کی وجہ سے شدید زخمی ہو گئے ، حادثے میں زخمی افراد کو طبی امداد کیلئے ہسپتال پہنچادیا گیا جن کی حالت تشویشناک بتائی جاتی ہے جبکہ ڈی سی سکردو کاکہنا ہے کہ ریسکیو کیلئے پاک آرمی کے ہیلی کاپٹر کی بھی مدد لی جا رہی ہے۔
Source:
daily pakistan online
