کوٹ سلطان میں صفائی اور سیوریج کی نا گفتہ بہہ صورت حال ، شہری پریشان
کوٹ سلطان (صبح پا کستان ) بار ش کے سبب محلہ حسنین آباد کی گلیاں تابوں کا منظر پیش کرنے لگیں انتظامیہ کی مبینہ غفلت کے پیش نظر شہر بھر کی اکثر گلیوں کی حالت خراب ہے گذشتہ روز ہونے والی بارش کا پانی شہر کے قدیمی محلہ حسنین آبا دکی گلیوں میں جمع ہو چکا ہے جس سے اہل محلہ کا جینا محال ہو چکا ہے اور ان کو آنے جانے میں شدید مشکلات کا سامنا ہے اہل محلہ محبوب احمد،محمد نواز،جواد احمد،تصور عباس،محمد فیاض اور دیگر نے اصلاح احوال کا مطالبہ کیا ہے ۔
انتظامیہ کی مبینہ غفلت کے سبب سیوریج کا پانی قبرستان قل احمد نوری حضوری میں داخل ہو چکا ہے جس سے قبروں کو نقصان ہو رہا ہے قبرستان انتظامیہ کی غفلت کے سبب قبرستان میں جگہ جگہ گندگی کے ڈھیر لگ گئے ہیں علاوہ ازیں گدھوں اور کتوں جیسے حرام جانوروں نے قبرستان میں ڈیرے جما رکھے ہیں جس سے قبرستان کا تقدس پامال ہو رہا ہے شہریوں محمد اعظم ،شیخ فیاض ،محمد یاسر ،محمد ندیم ،محمدالطاف ،شفیق احمد اور دیگر نے اصلاح احوال کا مطالبہ کیا ہے ۔
رپورٹ ۔ ملک فہیم منجوٹھہ پریس رپورٹر
