ڈیرہ غازی خان۔ راؤ محمد فیاض کی زیر صدارت سٹیزن ڈویلپمنٹ آرگنائزیشن کا اجلاس

ڈیرہ غازی خان(صبح پا کستان) سٹیزن ڈویلپمنٹ آرگنائزیشن کا خصوصی اجلاس زیر صدارت راؤ محمد فیاض دفتر ماڈل ٹاؤن بلاک زیڈ منعقد ہوا۔ اجلاس کا باقاعدہ آغاز تلاوت کلام پاک سے کیا گیا۔ جس کی سعادت مرزا سرفراز بیگ نے حاصل کی۔ اجلاس سے خطاب کرتے ہوئے جنرل سیکرٹری شازیہ فیاض نے سال 2020میں تنظیم کے سماجی کاموں کی پلاننگ کے بارے میں شرکاء اجلاس کو بریف کیا۔ جس میں ہر تین ماہ بعد مختلف جگہوں پر میڈیکل کیمپس، کے علاوہ دیگر کاموں کی تفصیل بتائی گئی۔ شرکاء اجلاس نے تجویز کی توثیق کی اور متفقہ طور پر اس بات کی منظوری دی گئی۔ اجلاس سے صدر راؤ محمد فیاض نے خطاب کرتے ہوئے کہا کہ انسانیت کی فلاح کے کاموں میں ہی زندگی کا لطف ہے۔ جب ہم کسی غریب نادارکی ضرورت کو پورا کرتے ہیں تو اس کا مطلب اللہ کی خوشنودی حاصل کرنا ہوتا ہے۔ انہوں نے تمام عہدیدارن ممبران کو تنظیمی کاموں میں بڑھ چڑھ کر حصہ لینے پر زور دیا۔اجلاس میں شاہ جہان ساجد، ماہ نور راؤ، اسلم پرویز، شیخ عمران، کاشف مقبول، ذوالفقار، واصف بیگ نے شرکت کی۔ اجلاس میں معروف صحافی محمود اختر پرویز کی روح کے لئے ایصال ثواب کے لئے فاتحہ خوانی کی گئی دعا کی گئی کہ اللہ مرحوم کو جنت الفردوس میں جگہ دے اور لواحقین کو صبر جمیل عطا فرمائے آمین۔