لیہ( صبح پا کستان )کشمیرآوور کے تحت کشمیریوں پر بھارتی مظالم کے خلاف احتجاج کے لیے اجتماع تاج چوک فتح پور میں منعقدہوا ۔ احتجاجی اجتماع کا اہتمام لیہ الیکٹرونک میڈیا ایسویسی ایشن نے کیا تھا ۔ اجتماع میں ممبران اسمبلی محمدطاہر رندھاوا، سیدرفاقت علی گیلانی،شہاب الدین سیہڑ،ڈی پی او عثما ن اعجاز باجوہ،ملک عثمان اولکھ،ظفرعالم ظفری،محسن عدیل،ارشاد رونگھا،ممبر صوبا ئی امن کمیٹی پنجا ب رانا اعجاز سہیل، محمد شہباز ، سید اشفاق شاہ،سید اسحاق شاہ ، مصطفی با بو ، سید الطاف شاہ اور میڈیا نمائندگان نے خطاب کرتے ہوئے کشمیریوں کی جدوجہد آزادی کی حمایت کی اور کشمیریوں سے اظہار یکجہتی کے لیے نعرے لگائے گئے ۔
شرکاء نے بینرز،پلے کارڈ اُٹھارکھے تھے ۔ احتجاجی اجتماع میں سرکاری و پرائیوٹ سکولوں کے طلبہ ،اساتذہ،سول سوساءٹی اور تاجرنمائندوں اور شہریوں کی کثیرتعداد نے شرکت کی ۔
