سرگودھا ۔ شادی کے سات سال بعد خدا نے 6 بچوں کی پیدائش ، ماں اور بچے صحت مند،ہسپتال میں خصوصی تقریب کے بعد رخصت۔
نجی ٹی وی ’’آپ نیوز‘‘ کے مطابق سرگودھاکے نواحی علاقے پھلروان کے رھائشی وقار گھر خوشیوں سے جھوم اٹھا جب سرگودھا نجی ہسپتال میں اس کی بیگم ہنی کے ہاں 6 بچوں کے پیدا ہونے کی خبر آئی ،وقار کو شادی کے سات سال بعداللہ تعالی نے 6 بچوں سے نوازا، ڈاکٹروں کے مطابق بچے اور انکی ماں دونوں صحت یاب ہیں، بچوں کی پیدائش کے بعد بچوں کو ان کے گھر روانہ کر دیا گیا ۔خوش نصیب خاندان کا تعلق پھلروان سے ہے، والدین اور عزیزواقارب خوشی سے نہال ہسپتال میں میٹھائیاں تقسیم کرتے رہے ،خوش نصیب جوڑے کی شادی کو سات سال ہو چکے تھے تاہم ان کے ہاں کوئی اولاد نہیں ہوئی تھی اور پورا خاندان ان کے ہاں بچوں کی پیدائش کے لیے دعا گو تھا،اللہ نے سات سال بعد بیک وقت ان کی گود کو بچوں سے بھر دیا ،نومولود بچوں میں4 بیٹے اور 2 بیٹیاں ہیں۔ بچوں کو وی آئی پی پروٹوکول میں ہسپتال سے رخصت کیا گیا ۔والدین نے میڈیا پر آنے سے معذرت کر لی۔
