راجن پور ۔ پاکستان کا بچہ بچہ کشمیری بھائیوں کے ساتھ ہے ۔ یوم سیاہ ریلی سے مقررین کا خطاب

راجن پور( صبح پا کستان ) آج 15اگست یوم سیاہ کے طور پر منایا گیاہے ۔ اس سلسلہ میں ریلی نکالی گئی ۔ جس کی قیادت صوبائی وزیر لائیو اسٹاک پنجاب سردار حسنین بہادر خان دریشک نے کی ۔ ڈپٹی کمشنر راجن پور محمد افضل ناصر خان،ایم این اے سرادر نصراللہ خان دریشک ،ممبران صوبائی اسمبلی پنجاب سردار اویس خان دریشک اور سردار فاروق امان اللہ خان دریشک ،ضلعی آفیسران،وکلاء ،میڈیا کے نمائندگان،انجمن تاجران،سیاسی و سماجی شخصیات کے علاوہ معززین شہر یوں کی کثیر تعداد نے شرکت کی ۔ یہ ریلی فخر جہاں پارک سے شروع ہوئی اور کچہری چوک پر اختتام پذیر ہوئی ۔ ریلی میں نعرہ تکبیر ،اللہ و اکبر کے فلک شگاف نعرے لگائے گئے ۔ ریلی کے اختتام پر ڈپٹی کمشنرمحمد افضل ناصر خان اور ایم این اے سردار نصراللہ خان دریشک نے خطاب کرتے ہوئے کہا کہ بھارت کشمیر میں اپنا ظلم بند کرے ۔ کشمیرپاکستان کی شہ رگ ہے ۔ ہم سب کشمیری مسلمانوں کے ساتھ ہیں اور انشاء اللہ کشمیر کو آزاد کر کے رہیں ہے ۔ پاکستان کا بچہ بچہ کشمیری بھائیوں کے ساتھ ہے ۔ اگر ضرورت پڑی تو ہم خون کا ایک ایک قطرہ بھی قربان کر دیں گے ۔