ڈیرہ غازی خان (محمد طاہر حنیف سے ) حکومت پسماندہ اضلاع میں ہیلتھ کی معیاری سہولیات کے لیے کوشاں ہیں ۔ یہ بات صحت سہولت پروگرام کے زونل ہیڈ محمد عمران نے گزشتہ روز ضلع کونسل ہال میں اورٹیشن سیشن سے خطاب کرتے ہوئے کہی ۔ اوریٹیشن کا آغاز باقاعدہ تلاوت کلام پاک سے کیا گیا جبکہ سٹیج سیکرٹری کے فراءض ڈسٹرکٹ آفیسر رانا شکیل نے ادا کیے ۔ محمد عمران نے خطاب کرتے ہوئے کہا کہ صحت سہولت پروگرام منسٹری آف نیشنل ہیلتھ سروسز ریگولینشز اینڈ کوآرڈینیشن حکومت پاکستان کے زیر انتظام معروف سماجی ادارہ شیڈ پاکستان اور سٹیٹ لاءف انشورنس کارپوریشن آف پاکستان کے اشتراک سے صحت کارڈ پنجاب کے اضلاع راجن پور ڈیرہ غازی خان اٹک پنڈی وہاڑی لودھراں مظفر گڑھ کے علاوہ 31 اضلاع کے لاکھوں لوگوں کو اگلے چند مہینوں میں دے دیے جائیں گے ۔ انہوں نے کہا کہ حکومت پاکستان عوام کو ان کا بنیادی حق دینے کے لیے پسماندہ اضلاع میں صحت کی معیاری سہولیات کا دائرہ کار جلد دیگر اضلاع تک بھی پہنچائے گی ۔ اس موقع پر اشرف بھٹی ریجنل ہیڈ سٹیٹ لاءف ملتان زون نے خطاب کرتے ہوئے صحت سہولت پروگرام کے بارے میں تفصیلی بریفنگ دیتے کہا کہ حکومت پاکستان کا موقف ہے کہ صحت انصاف کے ساتھ ہونا چاہیے ۔ انہوں نے (;69;ligible ) اہل کارڈ ہولڈرز اس پروگرام کے تحت منتخب سرکاری و نجی ہسپتالوں میں علاج کروا سکتے ہیں ۔ صحت سہولت پروگرام میں شامل علاج و سہولیات کے لیے دو کیٹگریز میں تقسیم کیا گیا ہے جس میں ثانوی علاج ترجیحی علاج شامل ہیں ۔ ثانوی علاج میں کارڈ ہولڈرز خاندان کے ہسپتال میں داخلہ کی صورت میں 60 ہزار تک کی رقم کا تحفظ ملے گا ۔ ثانوی علاج میں حمل و زچگی اور اس سے متعلق بیماریاں اور حادثہ اور نامزد ہسپتالوں میں داخلہ ضروری ہے ۔ جبکہ ترجیحی علاج میں کارڈ ہولڈرز کو 3 لاکھ تک کا تحفظ فراہم کیا جائے گا ۔ ترجیحی علاج میں آٹھ قسم کی پیچیدہ بیماریاں جن میں امراض قلب ، ذیابطیس سے متعلق پیچیدگیاں حادثاتی چوٹیں (زندگی بچانے کے علاوہ ہڈیوں کی ٹوٹ پھوٹ سڑک کا حادثہ چلنے کا علاج دل جگر گردے پھیپھڑے ناکارہ ہونے کی صورت میں دائمی بیماریاں جیسا کہ یرقان کا لا یرقان سرطان کا امراض اعصابی نظام ) کی آخری درجہ پر گردوں کی بیماری شامل ہے ۔ مزید یہ کہ مریض کو صحت یاب ہونے کے بعد واپسی پر مبلغ ایک ہزار روپے کرائے کی مد میں ادائیگی بھی کی جائے گی ۔ ظفر احمد انچارج سٹیٹ لاءف انشورنس کارپوریشن آف پاکستان نے بھی ٹیم کو ملٹی میڈیا پر پروگرام کی اہمیت و افادیت کے بارے میں تفصیلی بریفینگ دیتے ہوئے کہا کہ حکومت کے ویژن کو آگے بڑھاتے ہوئے کہا کہ ٹیم کو بھرپور محنت کرکے ہر اہل کارڈ ہولڈر تک کارڈ پہنچانا چاہیے ۔ انہوں نے کہا کہ ضلع ڈیرہ غازی خان میں صحت سہولت پروگرامز کے نامزد ہسپتالوں میں سرجی کئیر ہسپتال نزد کالج چوک عظیم ہسپتال بلخ سرور سٹی ڈی جی آئی اینڈ جنرل ہسپتال بلخ سرور سٹی الائیڈ سرجیکل ہسپتال نزد ٹراما سنٹر ڈیرہ غازی خان کولاچی میڈیکل کمپلیکس نیو کالج روڈ تونسہ شامل ہیں ۔ پروگرام کے آخر میں ڈسٹرکٹ آفیسر صحت سہولت پروگرام رانا شکیل نے تمام مہمانوں کا شکریہ ادا کیا ۔ اس موقع پر قائم دین تحصیل کوآرڈینیٹر کوٹ چھٹہ معظم رضا ہاشمی تحصیل کوآرڈینیٹر تونسہ محمد عثمان اکاءونٹنٹ بھی موجود تھے ۔
