کوئٹہ۔ کوئٹہ کے علاقے پشتون آباد کی رحمانیہ مسجد کے قریب زور دار دھماکہ ہواہے جس کے باعث کئی افراد کے زخمی ہونے کی اطلاعات ہیں ۔
تفصیلات کے مطابق پشتون آباد کی مسجد کے قریب دھماکہ اس وقت ہوا جب جمعہ کی نماز اداکی جارہی تھی اور یہ علاقہ بھی گنجان آباد ہے ، دھماکہ کی آواز دور دور تک سنی گئی ہے جبکہ آس پاس کے گھروں کے شیشے بھی ٹوٹ گئے ہیں ۔ پولیس کی بڑی تعداد موقع پر پہنچ گئی ہے اور علاقے کو گھیرے میں لے لیاہے ۔
پولیس ذرائع کے مطابق کوئٹہ کے علاقے پشتون آباد میں مسجد رحمانیہ کے اندر دھماکا ہوا جس کے نتیجے میں مسجد کے پیش امام سمیت 3 نمازی شہید اور 25 زخمی ہوگئے۔ جائے وقوع کو سیکیورٹی فورسز اور پولیس نے گھیرے میں لیا اور شواہد جمع کیے۔ مسجد میں بم نصب کیا گیا تھا جس کے ذریعے دھماکا کیا گیا۔
