ڈیرہ غازیخان (صبح پا کستان)۔رکن صوبائی اسمبلی ڈیرہ غازی ڈاکٹر شاہینہ نجیب کھوسہ کی کاوش سے ڈی جی خان آرٹس کونسل میں ویمن اینڈ یوتھ فیسٹیول کا انعقاد کیا گیا خواتین اور بچوں کی دلچسپی کے لئے کھانے ، پینے ، ملبوسات ، جیولری ،مہندی اور دیگر سٹالز لگائے گئے۔ایم پی اے نے خود اپنے سٹال کیلئے کوکنگ کی۔بچے میجک شو سے خوب لطف اندوز ہوئے۔خواتین اور بچوں میں قرات و نعت کے مقابلے کرائے گئے اور ایم پی اے نے انعامات تقسیم کئے رکن صوبائی اسمبلی ڈاکٹر شاہینہ نجیب کھوسہ نے کہا کہ خواتین اور بچوں کو خوش دیکھ کر انہیں بھی خوشی ہوئی ہے خواتین کی تفریح کیلئے مواقع فراہم کرتے رہیں گے۔تقریب سے سمیرا بانو ،نئیر رانی شفق اور دیگر نے بھی خطاب کیا۔قرات اور نعت رسول مقبول صلی اللہ علیہ وسلم کے مقابلوں کے پوزیشن ہولڈرز میں انعامات تقسیم کئے گئے.
