ڈیرہ غازی خان؛پنجاب بورڈ ایمپلائز ایسوسی ایشن کے تمام عہدیداران مضبوط اور متحد ہیں۔ظفر اقبال کھوسہ

ڈیرہ غازی خان ( صبح پا کستان) بورڈ ایمپلائز کی بنیادی ضروریات سے بخوبی واقف ہوں انکی فلاح کے لیے بلا تفریق کام کرنا اولین مقصد ہے یہ بات نو منتخب صدر پنجاب ایجوکیشن بورڈ ایمپلائز ویلفیئر ایسوسی ایشن ظفر اقبال کھوسہ نے ایسوسی ایشن کی مکمل باڈی کے بلا مقابلہ منتخب ہونے کے بعد میڈیا سے گفتگو کرتے ہوئے کہی انہوں نے کہا کہ الحمد اللہ جس طرح وہ ڈی جی خان بورڈ کے ملازمین کے حقوق کے لیے کام کررہے ہیں اسی طرح پنجاب بورڈ ایمپلائز کی فلاح کے لیے کام کریں گے اور ایسوسی ایشن کوچیئر مین ملک نثار احمد کی قیادت اور دیگر عہدیداران کی مشاورت کے ساتھ مکمل طور پر فعال بنائیں گے انہوں نے خوشی کا اظہار کرتے ہوئے کہا کہ ڈیرہ غازی خان بورڈ ایسوسی ایشن سے پنجاب بورڈایمپلائز ایسوسی ایشن میں حاجی محمد انور شاہین بطور ڈپٹی جنرل سیکرٹری ، عبدالرؤف قیصرانی آف سیکرٹری ، محمد ارشد شیروانی بطور آڈیٹر اپنے فرائض سر انجام دیں گے ظفر اقبال کھوسہ نے مزید بتایا کہ پنجاب بورڈ ایمپلائز ایسوسی ایشن کے تمام عہدیداران مضبوط اور متحد ہیں اور ملازمین کی فلاح کے لیے جدوجہد جاری رکھیں گے ۔