اسلام آباد ۔ وزیراعظم عمران خان سے سربراہ پاک فوج جنرل قمر جاوید باجوہ نے ملاقات کی ہے ۔
ترجمان وزیراعظم آفس کے مطابق وزیراعظم عمران خان اور آرمی چیف کے درمیان ملاقات میں سیکیورٹی صورتحال پر تبادلہ خیال کیا گیا جبکہ اس دوران آرمی چیف نے وزیراعظم عمران خان کو پاک فوج کی پیشہ وارانہ تیاریوں پر بریفنگ دی ۔
آرمی چیف نے اس موقع پر گفتگو کرتے ہوئے کہا کہ مسلح افواج کسی بھی جارحیت سے نمٹنے کیلئے تیار ہیں ، پاکستان کسی کیخلاف جارحانہ عزائم نہیں رکھتا ہے ۔
وزیراعظم عمران خان نے کہا کہ پاکستان اپنے دفاع کا حق استعمال کرتا رہے گا ، مسلح افواج نے جارحیت کو بھر پور انداز میں ناکام بنایا ، قوم کو مسلح افواج کی صلاحیتوں پر مکمل اعتماد ہے ۔
