لیہ ۔تاجروں کی پریس کانفرنس،عبوری الیکشن کااعلان

لیہ(صبح پا کستان)تاجروں کی پریس کانفرنس،عبوری الیکشن کااعلان ہونے پر چیئر مین الیکشن کمیٹی کو خراج تحسین، مظفر دھول کابینہ نے منشور پر عملدارمد نہیں کیا، تاجروں کے حقوق پر کسی کو ڈاکہ نہیں ڈالنے دیں گے، یونس میرانی کا الیکشن میں حصہ لینے کا اعلان۔ انجمن تاجران کے سابق سینئر نائب صدر محمد یونس میرانی ، سمیع اللہ بلوبھائی، مہر عمران تھند پریس سیکرٹری، چوہدری نویداحمدفنانس سیکرٹری، ممبران سپریم کونسل مرز ا عبدالستار، چوہدری شاہد بشیر، اللہ ڈتہ گرواں، مہر ثناء اللہ ، غلام عباس خان ، جمشید خان، سردار اللہ ڈتہ میرانی، ملک محبوب احمد کھوکھر، چوہدری عبدالروف و غیر ہ نے پریس کانفرنس کرتے ہوئے کہا کہ انجمن تاجران کی سابقہ باڈی اپنے منشور پر عملدارکرنے میں مکمل ناکام ہوئی ہے ، آئین کی خلاف ورزی کرنے، اجلاس نہ کرنے پر الیکشن کمیٹی نے ملک مظفر دھول کی کابینہ کو تحلیل کیا ہے جس کو ہم خراج تحسین پیش کرتے ہیں، انہوں نے کہا کہ الیکشن کمیٹی کے پاس اس بات کا قانونی مینڈیٹ ہے کہ وہ کابینہ پر نظر رکھے اور غیر قانونی اقدامات پر اپنے لائحہ عمل کا اعلان کرے۔ تاجروں رہنما ؤں نے کہا کہ الیکشن کمیٹی نے 31مارچ 2019کو عبوری الیکشن کرانے کا اعلان کیا ہے جس کا خیر مقدم کرتے ہیں۔ انہوں نے کہا کہ ملک مظفر دھول باڈی نے 15رکنی منشور کا اعلان کیا تھا جس کے تحت انجمن تاجران کی رجسٹریشن، دو کنال اراضی پر دفتر، تاجر کارڈ کا اجرا، کمپیوٹر لسٹیں بنیں گی، سپیکر سسٹم کی بحالی کی بات تو دور کی بات ہارن بھی نہیں، سیکورٹی نظام کے لئے سی سی ٹی وی کیمرے، فری ڈسپنسری، حد بندی کا تعین، واپڈا کے مسائل کے متعلق کاؤنٹر،کسمٹر کے لئے الیکٹریکل واٹر کولرکے لئے فنڈز اکھٹے کئے جن میں صر ف دو کولر لگے، باہمی تنازعات کا حل، قدرتی آفات کی صورت میں فنڈز سے باہمی امدادکرنے کا اعلان ہوا مگر وہ بھی پورا نہ ہوا، قرعہ اندازی کے ذریعے عمرے کے ٹکٹس بارے کچھ نہ ہوا، سابقہ باڈی کی مایوس کن کارکردگی پر آج سب پریشان ہیں، انہوں نے کہا کہ عبوری الیکشن میں ہمارا گروپ بڑھ چڑھ کر حصہ لے گا۔