راجن پور ۔ایڈیشنل ڈسٹرکٹ اینڈ سیشن جج محمد سجاد حسین خان بلوچ کا ڈسٹرکٹ جیل راجن پور کا دورہ

راجن پور( صبح پا کستان )ایڈیشنل ڈسٹرکٹ اینڈ سیشن جج راجن پور محمد سجاد حسین خان بلوچ کا ڈسٹرکٹ جیل راجن پور کا دورہ ۔ اطہر حسین سول جج ، مجسٹریٹ درجہ اول راجن پور اور غلام یٰسین اسسٹنٹ پبلک پراسیکوٹر راجن پور بھی ہمراہ تھے۔ایڈیشنل ڈسٹرکٹ اینڈ سیشن جج راجن پور نے جیل کے جملہ اسیران سے انکے مسائل دریافت کیے ۔ اسیران محمد عثمان و غلام اصغر نے جیل انتظامیہ کے خلاف شکایت کی کہ جیل انتظامیہ ان پر تشدد کرتی ہے۔ جس پر ایڈیشنل ڈسٹرکٹ اینڈ سیشن جج راجن پور نے سپرنٹنڈنٹ جیل یاسر خان کو ہدایت کی کہ وہ انکا میڈیکل چیک اپ کرا کر رپورٹ اندر دو یوم پیش کرے۔جیل کی ہسپتال میں داخل شدہ زیر علاج بیمار قیدی محمد اختر جو کہ منشیات کے مقدمہ کا ملزم تھا اسے ضمانت پر رہا کرنے کا حکم صادر فرمایا۔