اسلام آباد(ڈیلی پاکستان آن لائن)حکومت نے اپوزیشن لیڈر قومی اسمبلی شہباز شریف کے بیرون ملک جانے پر پابندی عائد کردی ۔
تفصیلات کے مطابق قومی احتساب بیورو(نیب)نے شہبازشریف کےخلاف آمدن سے زائد اثاثوں کے کیس میں شہبازشریف کا نام ای سی ایل میں ڈالنے کیلئے وزارت داخلہ کو درخواست دی تھی۔
وزارت داخلہ نے شہبازشریف کے بیرون ملک جانے پر پابندی عائد کردی اور قومی اسمبلی میں اپوزیشن لیڈر کا نام عبوری قومی شناخت فہرست میں شامل کرلیا گیا۔فہرست میں شامل افراد کے 30 دن کیلئے بیرون ملک جانے پر پابندی عائد ہوتی ہے ،شہبازشریف کانام ای سی ایل میں ڈالنے کی سمری وفاقی کابینہ کو بھیجی جائے گی ۔
