ہو نے والے انتخابات میں تحریک انصاف میں بھر پور کا میابی کے بعد صوبہ پنجاب میں بننے والی حکومت میں لیہ سے واحد خوش قسمت ایم پی اے سید رفاقت علی گیلانی ہی ہیں جنہیں وزیر اعلی پنجاب سردار عثمان خان بزدار کے اسپیشل اسسٹنٹ بننے کا اعزاز حا صل ہوا ،
یہ الگ بات کہ ماضی میں مسلم لیگ ن کی حکو متوں کے ادوار میں لیہ کو صو بائی کیبنٹ میں بھر پور نما ءند گی حا صل رہی ۔ شہباز شریف کے پہلے دور میں ملک احمد علی اولکھ وزیر زراعت سمیت تقریبا پانچ وزارتوں کے وزیر رہے جب کہ پچھلی حکومت میں مہر اعجاز اچلانہ وزیر ڈیزاسٹر منیجمنٹ کی حیثیت سے فرائض انجام دیتے رہے ۔ ان وزرا کی کار کردگی پر تحفظات ہو سکتے ہیں
علاقائی تعمیرو ترقی کے حوالے سے سا بقہ حکو مت کے ان ذمہ داروں کی کار کرگی بارے سوالات اٹھاءے جا سکتے ہیں لیکن بہر حال یہ بات ما ننا پڑے گی کہ سا بقہ مسلم لیگ ن کے ادوار حکو مت میں لیہ کو بھر پور نما ئند گی حا صل رہی ۔
ہو نے والے انتخابات میں لیہ کی عوام نے چیءرمین عمران خان کے وژن پر بھر پور اعتماد کرتے ہو ءے تحریک انصاف کو کا میاب کرایا ۔ اور یوں مرکز اور صوباءی حکومت کی تشکیل میں لیہ کے دو قومی اور چار صو باءی منتخب ممبران اسمبلی نے تحریک انصاف کو ووٹ دیءے ۔
ضلع لیہ سے تحریک انصاف کی کا میابی کے اس شاندار رزلٹ کے بعد امید تھی کہ ما ضی کی طرح اس بار بھی حکومت سازی میں لیہ کو بھر پور نما ئند گی ملے گی نہ صرف صوبہ میں بلکہ مرکز میں بھی لیکن ایسا نہ ہو سکا
تحریک انصاف کی بننے والی مرکز اور صوبائی حکومتوں میں وزارت تو کسی فرزند لیہ کا نصیب نہیں بنی لیکن رفاقت علی گیلانی کو وزیر اعلی پنجاب کا معا ون خصو صی مقرر کر کے لیہ والوں کی اشک شو ئی کر نے کا بندو بست ضرور کیا گیا ہے
خیر ۔۔ ما ضی میں مہر فضل علی سمرا مر حوم بھی مشیر وزیر اعلی رہے ہیں اگر مہر صاحب کی کار کردگی کا جائزہ لیا جاءے تو انہوں نے علاقائی تعمیروترقی میں بے پناہ کام کیا ، مجھے یاد ہے کہ جب بھی وہ لیہ آ تے ان کی سرکاری گاڑی کی پچھلی سیٹ پر بہت سی فا ئلیں پڑی نظر آ تیں ایک با میں نے ان سے ان فا ءلوں بارے اسفتسار کیا تو انہوں نے بتایا کہ یہ وہ منصوبے ہیں جو ان کی تر جیحات میں شا مل ہیں اور جن کے لئے وہ شب و روز ہوم ورک اور محنت کر رہے ہیں ۔۔
گذ شتہ دنوں سے سو شل میڈیا پر ایم پی اے رفاقت علی گیلانی معاون خصو صی وزیر اعلی پنجاب کو سر کاری دفتر اور گاڑی ملنے پر صاحب سلامت اور مبارک باد دینے کا بڑا شور ہے اچھی بات ہے بلا شبہ سرکاری دفتر اور گاڑی ملنا ایک بڑے اعزاز کی بات ہے لیکن یہ اعزاز ایک بڑی ذمہ داری بھی ہے اور ایک بڑی جواب دہی بھی ۔۔ اصل کام علاقائی تعمیروترقی اور عوامی حقو ق و مسائل کے حوالے سے تر جیحات کا تعین ہے ۔۔ جس پر ہوم ورک کر نے کی ضرورت ہے ۔۔ وہ اس لئے کہ وقت بہت کم ہے اور ستم یہ ہے اقتدار و اختیار کے غلام گر شوں کی بھول بھلیاں وقت گذرنے کا احساس ہی نہیں ہو نے دیتیں ۔۔
