ڈیرہ غازی خان ۔ہارنے سے دلبرداشتہ نہیں ،غریب عوام کی جنگ لڑنے کے لیے اور زیادہ پر عزم ہوں ۔ ڈاکٹر شاہینہ نجیب کھوسہ

ڈیرہ غازی خان ( صبح پا کستان ) پاکستان تحریک انصاف کی سینئر رہنما امیدوار پی پی 289ڈاکٹر شاہینہ نجیب کھوسہ نے انتخابی نتائج پر تبصرہ کرتے ہوئے عمران خان کے وزیر اعظم بننے کی پی ٹی آئی فیملی کو مبارکباد دی ہے اپنے ایک اخباری بیان میں انہوں نے ڈی جی خان کی عوام کا شکریہ ادا کیا ہے انہوں نے کہا کہ اپنی ہار پر میں کوئی تفصیلاً تبصرہ نہیں کرنا چاہتی ’’وقت آنے پر ضرور کرونگی‘‘ صرف یہی کہونگی میر جعفر اور میر صادق کو ہزار سے ضرب دے لیں اینٹی اسٹیٹس کو ماہرانہ انداز سے ووٹ ڈالتے رہے اور اسٹیٹس کو سازشانہ اور منافقانہ انداز سے اثر پذیری کی چھپ کر وار کیا جن پر تکیہ تھا ان پتوں نے بھی خوب ہوا دی شرمناک منافقیں کی گئیں منڈیا ں لگائی گئیں کب کب ، کون کون ، کہاں کہاں بک گیا اس طلشم ہوش ربا ہے میں ایک نظریاتی ورکر ہوں مجھے شکست دینا ضروری تھا تاکہ آئندہ کسی ’’نظریاتی یاورکر‘‘ کو الیکشن لڑنے کی جرات نہ ہو لیکن میری قوم کے خلاف سازشیں کرنیوالو سن لو ڈاکٹر شاہینہ ایک الیکشن ہاری ہے اپنا نظریہ اور عزم نہیں میں نظریے ، ورکر اور ڈی جی خان کی غریب عوام کی جنگ لڑنے کے لیے اور زیادہ پر عزم ہوں ۔