بھکر . مسافر بس اور رکشے میں تصادم ، تین خواتین سمیت چار افراد جاں بحق

بھکر:(مانیٹرنگ ڈیسک ) تحصیل منکیرہ ایم ایم روڈ پر بس اور رکشے میں خوفناک تصادم ہوا جس کے باعث تین خواتین سمیت چار افراد جاں بحق اور دو زخمی ہوگئے۔ تفصیلات کے مطابق منکیرہ کی ایم ایم روڈ کے قریب مسافربس اور رکشے میں تیزرفتاری کے باعث تصادم ہوا۔ حادثے میں تین خواتین سمیت چار افراد جاں بحق ہوگئے اور 2 زخمی ہوئے۔ جاں بحق افراد کا تعلق ایک ہی خاندان سے تھا۔ ریسکیو ذرائع کے مطابق لاشوں اور زخمیوں کو قریبی اسپتال منتقل کردیا گیا ہے۔ حادثے کے بعد عوام نے سڑک کی ابترصورتحال کیخلاف احتجاج کیا اورروڈ بلاک کردی۔ پولیس نے مظاہرین سے مذاکرات کرکے سڑک کلیئر کرادی ہے