لیہ ۔متحدہ مجلس عمل کی ضلعی تنظیم مکمل ، قاری منور حسین ضلعی صدر اور احسان اللہ محسن جنرل سیکرٹری نامزد

لیہ( صبح پا کستان ) متحدہ مجلس عمل کی ضلعی باڈی کا اعلان کر دیا گیا ،جمعیت علماء اسلام کے قاری منور حسین ضلعی صدر جبکہ جماعت اسلامی کے احسان اللہ محسن جنرل سیکرٹری نامزد،تفصیل کے مطابق متحدہ مجلس عمل کا اجلاس جماعت اسلامی کے ضلعی سیکرٹریٹ میں منعقد ہوا ۔اجلاس کی صدارت ایم ایم اے کے صوبائی جنرل سیکرٹری ڈاکٹر جاوید اختر نورانی ،ڈویژنل کوارڈینیٹر ارشد صدیقی نے کی ۔اجلاس میں اتفاق رائے سے جمعیت علماء اسلام کے قاری منور حسین کو ضلعی صدر،جماعت اسلامی کے احسان اللہ محسن کو جنرل سیکرٹری نامزد کر دیا گیا جبکہ دیگر عہدیداروں میں سینئر نائب صدر قاری الطاف حسین ،نائب صدر مولانا ضیغم عباس،نائب صدر مبشر نعیم چوہدری ،نائب صدر مولانا محمد حنیف ،ڈپٹی جنرل سیکرٹری شیخ اختر نورانی ،ڈپٹی سیکرٹری جنرل مولانا حسین احمد مدنی ،ڈپٹی سیکرٹری جنرل ملک تنویر عباس ،ڈپٹی سیکرٹری جنرل قاری عبدالغفور،نشرواشاعت محمد اکرم شہزاد،سیکرٹری مالیات ملک ذوالفقار اولکھ نامزد کر دیئے گئے ۔صوبائی جنرل سیکرٹری ڈویژنل کوارڈینیٹر نے نامزد عہدیداران کا اعلان کیا ۔اس موقع پر میڈیا سے گفتگو کرتے ہوئے نومنتخب عہدیداروں نے اس بات کا عزم کیا کہ وہ ملک میں اسلامی نظام کے نفاذ کے لئے ضلع لیہ میں بھر پور کوششیں کریں گے ۔انہوں نے کہا کہ وہ اتحاد پیدا کر کے ملک کو ترقی و کامیابی کے راستے پر گامزن کرنے کیلئے تمام توانائیاں صرف کریں گے ۔