جمن شاہ ۔یونین کونسل لوہانچ نشیب کے چک نمبر149سی بستی لاڑ میں تحریک انصاف کا جلسہ

جمن شاہ (صبح پا کستان )یونین کونسل لوہانچ نشیب کے چک نمبر149سی بستی لاڑ میں تحریک انصاف کے راہنماؤں کا جلسہ سے خطاب حاجی اللہ ڈتہ لاڑ کے ڈیرے پر ہونے والی تقریب سے خطاب کرتے ہوئے تحریک انصاف کے امیدوار حلقہ پی پی 284سید رفاقت علی گیلانی نے کہا کہ تحریک انصاف اس ملک میں ایسی تبدیلی لانا چاہتی ہے جس سے امیر اور غریب کے درمیان بڑھتے ہوئے خلاکو ختم کیا جاسکے امیر اور غریب کے بچے ایک ہی سکول میں تعلیم حاصل کریں ۔امیر اور غریب کا علاج معالجہ ایک ہی ہسپتال میں کیا جائے ۔امیر اور غریب کیلئے ایک ہی قانون ہو ۔سید رفاقت علی گیلانی نے کہا کہ اس ملک کی تقدیر بدلنے کیلئے عمران خان کو کامیاب کرانا ہوگا ۔اس ملک میں تبدیلی لانے کیلئے تحریک انصاف کے امیدوار وں کو کامیاب کرانا وقت کی اہم ضرورت ہے تقریب سے خطاب کرتے ہوئے ملک اسامہ جکھڑ نے کہا کہ میاں برادران نے ملک کو اربوں ڈالر کا مقروض کر دیا ہے ۔ملک کا ہر ایک فرد لاکھوں ڈالر کا مقروض بن چکا ہے ۔ملکی وسائل سے موصول ہونے والے ٹیکسوں کو موجود ہ حکمرانوں نے بیرون ملک میں منتقل کر لیا ہے کھربوں روپے کی جائیدادیں بنانے والے حکمران عوام کے مخلص نہیں ہو سکتے ۔انھوں نے عوام پر زور دیا کہ چوروں ڈاکوؤں سے ملک کو محفوظ بنانے کیلئے تحریک انصاف کو مضبو ط کرنا ہو گا ۔تقریب میں لاڑ برادری،قریشی برادری ،گٹ برادری،بریال برادری ،گدارہ برادری نے تحریک انصاف میں شمولیت کا اعلان کیا اور تحریک انصاف کے امیدواروں کو کامیاب کرانے کی یقین دھانی کرائی ۔