مظفر گڑھ ۔ کوئی نیا این آر او قبول کریں گے اور نہ ہی انتخابات میں ایک دن کی تاخیر برداشت،بروقت انتخابات نہ ہوئے تو آئینی بحران پیدا ہوگا :سینیٹر سراج الحق

مظفر گڑھ(مانیٹرنگ ڈیسک )امیر جماعت اسلامی پاکستان سینیٹر سراج الحق نے کہاہے کہ کوئی نیا این آر او قبول کریں گے نہ انتخابات میں ایک دن کی تاخیر برداشت کریں گے،قوم وزیراعظم کی چیف جسٹس سے ملاقات کا مقصد جاننا چاہتی ہے ،بروقت انتخابات نہ ہوئے تو آئینی بحران پیدا ہوگا ،اصطبل خریدنے کا جو تماشا سینیٹ انتخاب میں لگا ہے ، وہ عام انتخابات میں نہیں چاہتے ،جنوبی پنجاب کے عوام الگ صوبہ کے حق میں ہیں،ملک میں میرٹ کی بالادستی اور صلاحیت کے ساتھ ساتھ صالحیت کے حامل حکمرانوں کی ضرورت ہے جو ملک و قوم کو موجودہ بحرانوں سے نجات دلا سکیں،بڑی دینی جماعتیں ایم ایم اے کے پلیٹ فارم پر متحد ہو گئی ہیں، اب دینی اور مذہبی لوگوں کا ووٹ بھی ایک بکس میں پڑناچاہیے،دینی جماعتوں کا ووٹ تقسیم ہونے کا فائدہ اقتدار پر مسلط جاگیرداروں اور سرمایہ داروں کو ہوتاہے ۔