لیہ ۔ایپکا ڈسٹرکٹ کے انتخابات ، الیکشن کمشنر کا نوٹیفکیشن جاری

لیہ ( صبح پا کستان ) ایپکا ڈسٹرکٹ لئے کے انتخابات ، الیکشن کمشنر کا نوٹیفکیشن جاری، تفصیل کے مطابق ایپکا صوبائی صدر پنجاب حاجی ارشاد چوہدری نے ڈسٹرکٹ باڈی ایپکا لیہ کے الیکشن کمشنر کا نوٹیفکیشن جاری کر دیا ہے، نور محمد باروی اسسٹنٹ ڈی سی آفس لیہ کو الیکشن کمشنر مقرر کیا گیا ہے، ضلعی باڈی لیہ کا الیکشن اپریل کے آخری ہفتے میں متوقع ہے، ضلعی باڈی ایپکا کے الیکشن میں روایتی حریف ملک الٰہی بخش جوتہ، چوہدری رشید گروپ اور رانا محمد افضل گروپ آمنے سامنے ہونگے، کلرک برادری کی اکثریتی رائے کے مطابق جس گروپ کے پاس ایجوکیشن ڈیپارٹمنٹ کی صدارت اور ڈی سی آفس یونٹ کی صدارت ہوتی ہے وہ گروپ مضبوط تصور کیا جاتا ہے اور عموماً اہم عہدوں پر اسی گروپ کی جیت ہوتی ہے، ضلعی جنرل سیکرٹری محبوب ساجد کا اپنے یونٹ کا الیکشن ہار جانا گروپ کی کمزوری کی نشاندہی کرتا ہے، تحصیل کروڑ کے دفاتر میں بھی رانا افضل گروپ کی گرفت کمزور ہوئی ہے، کلرک برادری بھی تبدیلی کی خواہاں ہے، تاہم ضلع لیہ پنجاب میں واحد ضلع ہے جہاں ہار جیت کے باوجود ایپکا متحد اور فعال رہتی ہے۔