فتح پور ۔ درخت ہمارے ہیں جنگلات والے تنگ کرتے ہیں ۔غریبوں ،یتیموں ،بیواؤں کو دیئے گئے پلاٹ پر محکمہ جنگلات کے آفیسران جعلی مالک بننے لگے ، وزیر اعلی اور حکام بالا انصاف فراہم کریں ۔جناح کالونی کے مکینوں کا مطا لبہ

فتح پور ( صبح پا کستان) جناح کالونی کے مکینوں پر محکمہ جنگلات نے زمین تنگ کر دی ،تفصیل کے مطابق محکمہ جنگلات کے کرپٹ آفیسران نے غریبوں ،یتیموں ،بیواؤں کو دیئے گئے پلاٹ پر قبضہ نے رکاوٹیں شروع کر دیں اور غریبوں نے جو خود پلاٹ لیے تھے اُس پر محکمہ جنگلات کے آفیسران جعلی مالک بننے لگے ،محمد آصف ،محمد عارف نے صحافیوں سے باتیں کرتے ہوئے کہا کہ ہمارے پلاٹوں پر جو درخت لگے ہوئے ہیں یہ ہماری ملکیت ہیں محکمہ جنگلات اسے اکھاڑنے اور فروخت کرنے سے نہیں روک سکتا۔محکمہ جنگلات کے آفیسران غریبوں سے پیسے بٹورنا چاہتے ہیں ہماری وزیر اعلیٰ پنجاب شہبازشریف ،ڈی سی لیہ سے گزارش ہے کہ ہمیں ہمارے ہاتھوں سے لگائے گئے درخت محکمہ جنگلات کے آفیسران اکھاڑنے سے کیوں منع کر رہے ہیں اور ہمارے انتقال شدہ رقبہ پر ہم جو مرضی کریں ہمیں کیوں روکا جاتا ہے ہمیں انصاف فراہم کیا جائے ہم غریب کدھر جائیں ہماری داد رسی کی جائے۔